Audun Illskælda (norrønt Auðunn illskælda) var ein norsk skald som var aktiv på slutten 800-talet. Fødeår og fødestad er ikkje kjent, heller ikkje når han døydde.
Norrøne kjelder I SkaldatalSkáldatal på norrønt, frå is.wikisource er han ført opp som ein av skaldane hos kong Harald Hårfagre.
I EgilssogaEgilssoga omsett av Leiv Heggstad (Samlaget 1950) er han nemnt som ein av skaldane i hirda til kong Harald Hårfagre, der han hadde setet sitt i det andre høgsetetDet ringare høgsetet, andsynes setet der kongen sat., ved sida av skaldane Torbjørn Hornklove og Olve Nuva. Audun er nemnt som den eldste av dei tre skaldane.
Liv og skaldskap Det einaste ein veit om livet hans, er det som er nemnt i den historisk usikre forteljinga «Soga om kong Harald Hårfagre sine skaldar»Saga skálda Haralds konúngs hárfagra frå heimskringla.no, og der blir det òg gitt ei forklaring på tilnamnet hans. Han skal ha gjort eit dikt der han hadde kopiert omkvedet frå ei dråpa som skalden Úlfr SebbasonUlf Sebbason er ført opp i Skaldatal som ein av skaldane hos kong Harald Hårfagre. Han skal ha vore ein slektning av Audun Illskælda hadde gjort til kong Harald, og plagiatet gav han tilnamnet «illskælda» det vil seie «den dårlege skalden» og diktet hans vart kalla «det stolne stevet» (stolinstefja).
Diktet som Audun Illskælda skal ha gjort til kong Harald Hårfagre, er gått tapt, og i dag kjenner ein til berre to lausaviserLausavise av Audun Illskælda (Skaldic Project)Lausavise av Audun Illskælda (Skaldic Project) som han skal ha dikta.
Notar
Referansar
Bakgrunnsstoff Audun illskælda Store norske leksikon Audun Illskälda Nordisk familjebok (1904:385) Den Norsk-Islandske Skjaldedigtning av Finnur Jónsson (side 6). Den oldnorske og oldislandske litteraturs histore av Finnur Jónsson (1.bind)
Kategori:Nordmenn frå norrøn tid Kategori:Norske skaldar Kategori:Folk frå vikingtida Kategori:Folk i Skaldatal Kategori:Folk i islendingesogene