Nina Viktorovna Balditsjova, fødd Fjodorova, () var ein sovjetisk langrennar som vart olympisk meister i 4 x 5 km stafett under Vinter-OL 1976 i Innsbruck, etter tidlegare å ha vunne VM-gull i stafett både i 1970 og 1974.
Aktiv Nina Fjodorova meisterskapsdebuterte med å vinne bronsemedaljen på 5 km i Ski-VM 1970, bak to landskvinner. I den neste øvinga, 3 x 5 km stafett, gjekk ho fyrste etappen på Sovjetunionen sitt vinnarlag, Galina Kulakova og Alevtina Oljunina tok seg av dei to siste etappane. To år seinare vart Fjodorova nummer ti på 5 km då Vinter-OL 1972 fann stad i Sapporo.
Også under Ski-VM 1974 i Falun tok ho, då som Nina Balditsjova, seg av den fyrste etappen då Sovjet-kvinnene vann gull, dei hine på laget var Nina Seljunina, Raisa Smetanina og Galina Kulakova. Individuelt kom ho på femteplass på 5 km.
Under Vinter-OL 1976 vart Balditsjova nummer tre på 5 km, bakom vinnaren Helena Takalo fra Finland og Raisa Smetanina, og nummer fire på 10 km. Deretter gjekk ho ein etappe på det sovjetiske stafettlaget som vann 4 x 5 km stafett, framom Finland og Noreg. Dei andre på laget var Zinaida Amosova, Raisa Smetanina og Galina Kulakova.
Balditsjova deltok ikkje i Ski-VM 1978, men kom tilbake og fekk ei sølvmedalje i 4 x 5 km stafett under Vinter-OL 1980 i Lake Placid, saman med Nina Rotsjeva, Galina Kulakova og Raisa Smetanina kom ho på andreplass bakom Aust-Tyskland.
Kjelder Sportsboken, aktuelle årgangar.
Kategori:Sovjetiske langrennsløparar Kategori:Russiske langrennsløparar Kategori:Verdsmeistrar i langrenn Kategori:Olympiske meistrar for Sovjetunionen Kategori:Olympiske sølvmedaljevinnarar for Sovjetunionen Kategori:Olympiske bronsemedaljevinnarar for Sovjetunionen Kategori:Sovjetiske deltakarar under vinter-OL 1972 Kategori:Langrennsløparar under vinter-OL 1972 Kategori:Medaljevinnarar under vinter-OL 1976 Kategori:Sovjetiske deltakarar under vinter-OL 1976 Kategori:Langrennsløparar under vinter-OL 1976 Kategori:Medaljevinnarar under vinter-OL 1980 Kategori:Sovjetiske deltakarar under vinter-OL 1980 Kategori:Langrennsløparar under vinter-OL 1980