mini|240px|Petäjävesi gamle kyrkjemini|240px|Kyrkja sett frå sørmini|240px|Taket i kyrkja
Petäjävesi gamle kyrkje er ei trekyrkje, bygd i åra 1763-1764 for Petäjävesi bedehusforsamling i Jämsä sokn i Tavastland sentralt i Finland.
Kyrkja er eit typisk døme på ein arkitektonisk tradisjon som er unik for dei austlege delane av Nordeuropa. I 1994 vart ho teken med på UNESCO si liste over verdsarv.
Historikk Kring 1720 vart det gjeve løyve til å byggja eit gravkapell i området. Då budde det få menneske der, og folk ferdast oftast langs med vassdrag. På sommaren ferdast ein gjerne i båt, og på vinteren med slede på isen. Ein bygde kapellet mellom dei to innsjøane Jämsä og Petäjävesi. Kapellet vart erstatta av ei kyrkje bygd i tre på same staden. Kyrkja stod ferdig 1764. Byggmeister for kyrkja var snikkarmeisteren Jacob Clementsson Leppänen, som og teikna henne.
Den gamle kyrkja ligg ein kilometer frå sjølve tettstaden Petäjävesi. I 1879 stod det ferdig ei ny kyrkje inne i sjølve tettstaden. Den gamle kyrkja vart då mindre bruka.
Kyrkja og interiøret mini|venstre|240px|Interiør i kyrkja med preikestolen
Bygningen er ei krosskyrkje som dannar ein gresk kross. Høge, svakt kanta kvelvingar av furu dekkjer krossarmane. I skjæringspunktet ragar det ein åttekanta mellomkuppel.
Ein går inn i kyrkja gjennom grunnetasjen til klokketårnet. Klokketårnet vart bygd i tida 1820-1821 av Jacob Clementsson Leppänens sin sonson Erkki Leppänen.
Preikestolen er etter tradisjonen rekna å vera eldre enn sjølve kyrkja, og er stilistisk lik preikestolen i Jämsä si førre hovudkyrkje. Altertavla, og truleg tavlene på alterveggen er truleg måla av C. F. Blom i 1843.
Utsida av kyrkja vert prega av det høge valmtaket, i stil med gamal gotisk stil tradisjon.
Bakgrunnsstoff Petäjäveden vanha kirkko (på finsk) Museiverket om världsarven i Finland (på svensk) UNESCO World Heritage Centre - Petäjävesi Old Church
Litteratur Leif Anker og Ingalill Snitt: Norsk tittel: Vår Nordiske Verdensarv — ISBN 82-90823-35-5
Kategori:Verdsarv i Finland Kategori:Kyrkjer i Finland Kategori:Petäjävesi Kategori:Skipingar i 1764