Thomas Smith (), kjend som Tommy Smith, var ein engelsk fotballspelar for Liverpool fotballklubb, kjend for harde taklingar.
Smith var fødd og oppvaksen i Liverpool og spela om lag 500 kampar for Liverpool FC i åra 1963–1978. Han var med på å vinne fem ligameisterskap, og dessutan Europacupen i fotball i 1977. Han avslutta fotballkarrieren med ein sesong i Swansea City AFC i Swansea. Sidan arbeidde han som fotballskribent, skreiv ei spalte for Liverpool Echo kvar veke i 35 år frå 1979 til august 2014. I mars 2008 gav han ut sjølvbiografien Anfield Iron.
Landslagsspel Smith spelte ein landskamp, den 19. mai 1971 tok han plass i Englands midtforsvar i den mållause kampen mot Wales på Wembley stadion i London.
Merittar Vinnar av Europacupen: 1977 og 1978 med Liverpool FC Vinnar av UEFA-cupen: 1973 og 1976 med Liverpool FC Engelsk ligameister; 1964, 1966, 1973, 1976 og 1977 med Liverpool FC Vinnar av FA-cupen:1965 og 1974 med Liverpool FC Finalist i Cupvinnarcupen: 1966 med Liverpool FC Finalist i FA-cupen: 1971 og 1977 med Liverpool FC Finalist i den engelske ligacupen: 1978 med Liverpool FC
Kjelder
eu-football
Bakgrunnsstoff Om Tommy Smith på lfchistory.net
Kategori:Engelske fotballspelarar Kategori:Engelske forfattarar Kategori:Liverpool-spelarar Kategori:Folk frå Liverpool Kategori:Swansea-spelarar