Rasmus Hansen () var ein norsk sakførar og politikar frå Oppdal.
Rasmus Hansen var frå garden Snorroeggen i Oppdal. I yngre år var han nokre år kontorist hos futen i Skogn i Nord-Trøndelag. Han tok så i 1822 norsk juridisk eksamen og var underrettsprokurator i «Nordre Trondhjem», busett i Skogn. Frå 1848 var han sorenskrivar i Nordre Gudbrandsdalen til han døydde.
Hansen var den fyrste ordføraren i Skogn. Både i 1839, 1842 og 1848 vart han vald til stortingsmann frå Nordre Trondhjems amt. Han var i 1839 sekretær i Næringskomite nr 1, 1842 medlem i Kyrkjekomiteen og Skysslovkomiteen og 1848 formann i Desisjonskomiteen og medlem i Adressekomiteen. Elles var han i 1842 sekretær og 1848 visesekretær i Odelstinget.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Norske juristar Kategori:Stortingsrepresentantar 1839-1841 Kategori:Stortingsrepresentantar 1842-1844 Kategori:Stortingsrepresentantar 1848-1850 Kategori:Folk frå Oppdal