Gunnar Olai Olsson Bakke () var ein norsk vaktmeister og stortingsmann frå Herand i Jondal.
Bakke var son til ein skreddarmeister. Sjølv utdanna han seg til møbelsnikkar i Bergen, og utdanna seg vidare i faget på reiser i Danmark, Sverige, Tyskland og USA. Åra 1907 til-10 var han sjømann på seglskuter som farta på Vest-India, Sør-Amerika og Afrika. Han gjekk Bergens tekniske kveldsskule og fekk seg stilling som vaktmeister på Sydneshaugen skole i Bergen.
Bakke var med å stifte Den kommunale tjenestemannsforening i Bergen og var formann i foreininga i fleire år. I åra frå 1916 til -24 var han forretningsførar for lag i Bergen tilslutta Norsk Treindustriarbeiderforbund.
Frå 1919 til 1936 var Bakke bystyremedlem i Bergen. Han var elles medlem i både bygningsrådet, likningsnemnda og i overskattetakstkommisjonen i byen. Åra 1928-31 var han med i sentralstyret til Arbeidarpartiet. I tida 1931-45 representerte han Bergen og Arbeidarpartiet på Stortinget, der han 1931-33 var medlem i Lovkomiteen og sidan i Universitets- og fagskulekomiteen.
Kjelder
Kategori:Stortingsrepresentantar for Bergen Kategori:Stortingsrepresentantar frå Ap Kategori:Stortingsrepresentantar 1931-1933 Kategori:Stortingsrepresentantar 1934-1936 Kategori:Stortingsrepresentantar 1937-1945 Kategori:Lokalpolitikarar i Bergen Kategori:Ap-politikarar i Hordaland Kategori:Folk frå Jondal Kategori:Folk frå Bergen