Kiruna gamle rådhus, kjent som Kiruna stadshus eller Igloo, var ein bygning sentralt i Kiruna som var sete for administrasjonen i Kiruna kommun i Norrbottens län i Sverige fram til 2018. Det vart rive i 2019, i samband med flyttinga av sentrum i Kiruna.
Rådhuset vart teikna av arkitekten Artur von Schmalensee og vart bygt i åra 1959–1962. Bygningen var 49 x 49 meter lang og brei, og 45 meter høg. Klokketårnet på taket på 26 meter vart eit kjent landemerke for Kiruna. Det vart teikna av Bror Marklund og innvigt i 1963.
Rådhuset vart kalla «Igloo» av Artur von Schmalensee på grunn av den låge inngangen til ein stor open hall med høge lysinnsleppingar. I 1964 fekk bygningen og arkitekten Kasper Salin-prisen for «Sveriges vackraste offentliga byggnad». Rådhuset husa også ein kunsthall.
Flytting til nytt rådhus
Frå 2009 vart det lagt planar om å rive rådhuset, då aktiviteten til gruveselskapet LKAB hadde underminert grunntilhøva til sentrale Kiruna. I oktober 2012 vart det lyst ut ei arkitekttevling om å teikna eit nytt rådhus. I september 2013 var vinnaren utropt som Henning Larsen Architects A/S med forslaget «Kristallen».Kiruna kommun, pressmeddelande 13. september 2013 , henta 2014-06-14Dagens Nyheter Kultur 16. september, s. 4
I august 2017 vart klokketårnet på det gamle rådhuset teke ned og flytta til den nye bygningen.http://www.kiruna.se/PageFiles/8378/1%20-%20Kristallen%20-%20popul%C3%A4rversion.pdf Bygningen vart riven våren 2019.SVT 30 april 2019Arkitekten.se 9. mai 2019
Galleri
Kjelder
Emporis heimeside
Denne artikkelen bygger på «Kiruna stadshus» frå , den 15. august 2017.
Bakgrunnsstoff
Kategori:Rådhus i Sverige Kategori:Kiruna kommun