Barringtonia asiatica er ein art i planteslekta Barringtonia som veks i tropiske mangrovehabitat ved kystar og øyar i Indiahavet og det vestlege Stillehavet frå Zanzibar og aust til Taiwan, Filippinane, Fiji, Ny-Caledonia, Solomonøyane, Tuvalu, Cookøyane, Wallis og Futuna og Fransk Polynesia.
Det er også kjend som box fruit, fish poison tree, og sea poison tree på engelsk og under lokale namn som filippinsk botong og bitoón, indonesisk butun og keben malayisk putat og pertun, malayalam nirppazha ('vassfrukt'), tamil samudrapazham ('sjøfrukt') og polynesisk futu, hutu eller avleiingar, noko som er opphavet til namnet på øya Futuna.Smith, S. Percy. «Futuna, or Horne Island, and Its People». The Journal of the Polynesian Society, Vol. 1, No. 1, s. 3352. 1892
Skildring mini|venstre|Barringtonia asiatica-tre.
Treet er lite til middels stort, med høgder på mellom 7 og 25 meter. Blada er smale og omvendt eggforma med ei lengd på 20–40 cm og ein breidd på 10–20 cm.
mini|venstre|upright|Blome
Treet har store, rosa-kvite, duskforma blomar. Dei har ei sterkt søt lukt som lokkar til seg pollinerande møllar og flaggermyser om natta.
mini|Umogen frukt (omlag så stor som ein knyttneve)
Frukta er kjenneteikna av relativt skarpe kantar som gjer ho nokså firkanta og boksaktig i eine enden. Den andre enden som er festa til treet er meir runda. Frukta har ein diameter på 9–11 cm. Eit tjukt, svampaktig og fiberrikt lag dekkjer eit frø med ein diameter på 4–5 cm.Flora of China: Barringtonia asiatica
Spreiing Frukta blir spreidd på same måte som kokosnøtt, av havstraumar. Ho har svært god flyteevne og er motstandsdyktig mot vatn. Frukta kan overleva i havet i opptil femten år. Planten var ein av dei første til å etablera seg på Anak Krakatau då øya oppstod etter Krakatau-utbrotet. Frøet spirer etter at frukta blir skylt på land og gjennombløytt av regn.
Bruk Alle delane av treet er giftige. Det inneheld mellom anna saponinar. Fruktene er giftige nok til å kunna brukast som fiskegift. Pulver laga av frøa har blitt brukt til å lamma eller drepa fisk, til dømes ved å kvela han medan fiskekjøtet blir verande etande.
mini|Botanisk illustrasjon frå Flora de Filipinas
Barringtonia asiatica er utbreidd i malaysiske mangrovar og våtmarksområde som Kuching og Bako nasjonalpark. Treet blir dyrka langs gater som skugge- og prydtre i nokre delar av India, særleg på søraustkysten.
Taksonomi Typen for arten blei sanka av botanikaren Pehr Osbeck på ein sandstrand på Java. Han blei seinare skildra og gjeven sitt opphavlege vitskaplege namn, Mammea asiatica, av Carl von Linné i Species Plantarum i 1753. Mammea asiatica L. (the basionym to Barringtonia asiatica) was originally described and published in Species Plantarum 1: 512–513. 1753.
Kjelder
Denne artikkelen bygger på «Barringtonia asiatica» frå , den 10. desember 2017.
asiatica Kategori:Plantar i Indomalesia Kategori:Plantar i Søraust-Asia Kategori:Tre i Indokina Kategori:Tre i Malesia Kategori:Tre i Sør-Asia Kategori:Plantar i Stillehavet Kategori:Plantar i Australia Kategori:Plantar på Komorane Kategori:Plantar i India Kategori:Plantar på Madagaskar Kategori:Plantar på Seychellane Kategori:Plantar på Sri Lanka Kategori:Plantar på Taiwan Kategori:Plantar i Tanzania Kategori:Plantar på Zanzibar Kategori:Plantar i Queensland