Sigfried Held () er ein tidlegare tysk fotballspelar og -trenar. I 1966 var han med å vinne Cupvinnarcupen for Borussia Dortmund og spele finalen for Vest-Tyskland under VM i fotball 1966. Han var ein dribleflink venstreveng.
Klubbspel Held fekk proffkontrakt med Kickers Offenbach i 1963. To år seinare vart han overført til Borussia Dortmund. Den 5. mai 1966 skåra han det fyrste målet då Borussia vann 2-1, etter ekstraomgangar, over Liverpool FC i finalen i Cupvinnarcupen på Hampden Park i Glasgow. I 1971 gjekk han tilbake til Kickers Offenbach, før han atter gjorde teneste i Borussia Dortmund frå 1977 til 1979. Han la opp i 1981, etter å ha spelt for Bayer Ürdingen.
Landslagsspel Held debuterte for Vest-Tyskland den 23. februar 1966, borte mot England på Wembley stadion i London. Fem månader seinare møttest dei same to landslaga til VM-finale på same bana, ein kamp som etter ekstraomgangar enda med 4 - 2 til England. I VM-turneringa deltok Held i alle seks kampane for det vesttyske mannskapet, skåra eitt mål.
Under Fotball-VM 1970 i Mexico kom Held på bana i tre av Vest-Tysklands kampar, mellom andre i den suksessrike bronsefinalen mot Uruguay. Han skåra det sjette målet då Vest-Tyskland den 22. juni 1971 gjesta Ullevål stadion og slo heimelaget med 7-1. Held spelte EM-kvartfinalane mot England våren 1971, men fekk ikkje vere med i sluttspelet som enda med vesttysk triumf. 14. november 1973 spelte han sin 41. og siste landskamp. Han skåra i alt 5 mål for Vest-Tyskland.
Landslags-statistikk TysklandÅrKamparmål1966111196730196872196951197050197141197230197330Totalt415
Trenar Held har vore trenar for Schalke 04 og Dynamo Dresden i Bundesliga, og austerrikske Admira Wacker Mödling. Han var landslagssjef 1986-89 for Island, seinare òg for Malta og Thailand.
Merittar VM-sølv: 1966 for Vest-Tyskland VM-bronse: 1970 for Vest-Tyskland Vinnar av Cupvinnarcupen: 1966 for Borussia Dortmund Andreplass i Bundesliga: 1966 for Borussia Dortmund
Kjelder
Denne artikkelen bygger på «Siegfried Held» frå , den 22. juli 2026.
eu-football National Football Teams
Kategori:Tyske fotballspelarar Kategori:Borussia Dortmund-spelarar Kategori:Spelarar i Fotball-VM 1966 Kategori:Spelarar i Fotball-VM 1970