Kampeche eller blåtre (Haematoxylum campechianum) er eit tropisk tre i erteblomfamilien. Det kjem frå Mellom- og Sør-Amerika, der det blir dyrka på grunn av fargestoffet hematoksylin, som finst i den raudsvarte kjerneveden. Kampeche blir brukt til farging av tøy, særleg ull og silke. Med forskjellige beisar gjev det svart, grått, blått, fiolett og raudt.
Treet hadde stor økonomisk tyding frå 1600-talet til 1800-talet, då det blei felt og eksportert til Europa for farging av tekstil og papir. Det er framleis eit viktig fargemiddel for mikroskopiske preparat.
Kampeche-ekstrakt var også brukt som pH-indikator. Det var brunleg ved nøytral pH, gulraudt i syrlege tilhøve og lilla i basiske tilhøve.
Kjelder
Kategori:Tropiske tre Kategori:Erteblomfamilien Kategori:Fargeplantar Kategori:Plantar i Mellom--Amerika Kategori:Plantar i Sør-Amerika