Louisiana Hayride var eit amerikansk radioprogram og seinare fjernsynsprogram med fokus på countrymusikk. Det blei sendt frå Shreveport Municipal Memorial Auditorium i Shreveport i Louisiana. På stordomstida si frå 1948 til 1960 lanserte programmet mange store amerikanske artistar.
Historie mini|venstre|Shreveport Municipal Memorial Auditorium mini|upright|Elvis Presley på Louisiana Hayride.
Programmet fekk namnet sitt etter ei bok frå 1941 med same tittel av Harnett Thomas Kane. Boka tok for seg dei såkalla Louisiana Hayride-skandalane frå 1939–1940, ei rekkje økonomiske brotsverk som førte til at fleire høgtståande personar, som presidenten for Louisiana State University, James Monroe Smith, og den tidlegare bygningsinspektørsjefen George A. Caldwell blei sende i fengsel. Den første sendinga fann stad 3. april 1948 frå Municipal Auditorium i Shreveport sentrum. Horace Logan var produsent og programleiar.Shreveport Louisiana Hayride Company, LLC, Hayride History, henta 16. februar 2012 Musikarane i det første programmet var The Bailes Brothers, Johnnie and Jack, Tennessee Mountain Boys med Kitty Wells, The Four Deacons, Curley Kinsey and the Tennessee Ridge Runners, Harmie Smith, Ozark Mountaineers, Mercy Brothers og Tex Grimsley and the Texas Showboys. I løpet av eit år var programmet blitt så populært at det blei skipa eit nettverk på 25 stasjonar som sende delar av det, og programmet blei tilmed høyrd utanlands, på Armed Forces Radio. Horace Logan fortsette å produsera Louisiana Hayride fram til 1957.
Programmet hadde framføringar frå ei rekkje kjende countrymusikarar, som Hank Williams, Webb Pierce, Kitty Wells, Jimmie Davis, Will Strahan, Slim Whitman, Floyd Cramer, Sonny James, Hank Snow, Faron Young, Johnny Horton, Jim Reeves, Claude King, Jimmy Martin, George Jones, John and The Three Wise Men, Johnny Cash, Frankie Miller, Tex Ritter, Cowboy Jack Hunt & Little Joe Hunt of the Rhythm Ranch Hands, Nat Stuckey og Lefty Frizzell. Elvis Presley opptredde i radioversjonen av programmet i 1954, og hadde sin første TV-opptreden der den 3. mars 1955. Etter eit års kontrakt med programmet var Elvis så populær at etter hans siste opptreden der i 1956 annonserte Horace Logan til publikum dei berømte orda «Elvis has left the building».
Men veksten til den nye musikkstilen som Elvis stod for - rockabilly og seinare rock'n'roll - førte til ein tilbakegang for Louisiana Hayride, som fram til då hadde vore eit reint countryprogram. I løpet av få år dominerte rocken musikklivet, og 27. august 1960 enda Louisiana Hayride sendingane sine.Luca, Fabris Giovanni, An Interview with Joey Kent, Owner of the Louisiana Hayride Archives , henta 16. februar 2012 Stasjonen KWKH fortsette likevel å bruka Louisiana Hayride-namnet til musikkturnear gjennom 1960-åra, heilt fram til 1969. I august 1974 skipa David Kent, ein forretningsmann frå Shreveport, eit countryshow han kalla Hayride U.S.A.. Dette fekk namnet Louisiana Hayride i 1975 eter at KWKH gjekk med på å la Kent bruka namnet. Denne framsyninga fann stad på eit teater i Bossier City, og blei send på radio. Det varte fram til 1987.
Artistar som medverka i Louisiana Hayride
Betty Amos Jack Anglin Bailes Brothers Benny Barnes Ray Belcher Carl Belew Dudley Bernard Bill Black Eddie Bond Brad & Jerry The Browns Vin Bruce Gary Bryant Roy Burks Bill Carlisle Johnny Cash Mary Jo Chelette and the Chelette Sisters Zeke Clements Jeff Dale Jimmie Davis Jimmy Dickens William (Tex) Dickerson Tibby Edwards Werly Fairburn Jimmy Fautheree Pete Fontana Tillman Franks Bob Gallion Marshall Grant The Gays
Cliff Grimely Roy Hendrix Jeanette Hicks Goldie Hill Tommy Hill Hoot & Curley Johnny Horton David Houston Cowboy Jack Hunt Little Joe Hunt Sonny James Jimmy & Johnny Jerry Johnson George Jones Grandpa Jones Oakie Jones Jack Kay Merle Kilgore Hank Locklin Horace Logan Bob Luman Maddox Brothers and Rose Emory Martin Jimmy Martin Johnny «Country» Mathis Paul Mims Scotty Moore
Willie Nelson Bill Nettles Jimmy C. Newman James O'Gwynn Jimmy Osborne Buck Owens Frank Page Leon Payne Luther Perkins Charlie «Sugartime» Phillips Webb Pierce Elvis Presley Jim Reeves Donn Reynolds Jack Rhodes Rice Brothers Gene Rodique Dido Rowley Tommy Sands Johnny Sea Shelton Brothers Bob Shelton Joe Shelton Eddy Sims Margie Singleton Billy R. Smith Harmie Smith Roy Sneed
Bob Stegall Red Sovine Charlie Stokley Nat Stuckey Tommy Tomlinson Tommy Trent Billy Walker Don Warden Kitty Wells Slim Whitman Wilburn Brothers Slim Willet Audrey Williams Hank Williams Bob Wills Kitty Wilson Smiley Wilson Mac Wiseman Ginny Wright Johnnie Wright Richard Yates Faron Young York Brothers Harvey Farr Charles Billy Kirkpatrick D.J. Fontana Wallace and Charlie Mercer
Kjelder
Denne artikkelen bygger på «Louisiana Hayride» frå , den 25. februar 2018.
Kategori:USA-amerikanske radioprogram Kategori:USA-merikanske TV-program Kategori:Country