«Forever Young» er ein song av Rod Stewart og den andre singelen frå Out of Order i 1988. Songen nådde 12. plassen på Billboard Hot 100 og sjuandeplasssen på den kanadiske RPM-lista.
Strukturen i teksten til songen er særs lik Bob Dylan-songen med same tittel. Då songen var ferdig og likskapen vart oppdaga, vart songen send til Dylan for å høyre om han hadde problem med dette. Dei to mennene vart samde om å dele eigarskapen til songen og honorara Stewart fekk for han.
Stewart skreiv songen med to av medlemmane i bandet sitt: gitaristen Jim Cregan og klaverspelaren Kevin Savigar.
Stewart spelte inn ein rolegare versjon av songen i 1996 for samlealbumet If We Fall in Love Tonight, og ein versjon med Stewart på vokal og pianoakkompagnement finst på samlealbumet The Rod Stewart Sessions 1971-1998 frå 2009. Eit konsertopptak vart gjort for MTV Unplugged i 1993, men dette kom ikkje med på albumet etter konserten, Unplugged...and Seated. Han kom seinare ut som bonusspor på dette albumet i 2009. Eit anna konsertopptak frå 2013 på The Troubadour i West Hollywood kom ut på luksusutgåva av albumet Time.
I musikkvideoen til songen syng Stewart songen til eit barn på landsbygda i Amerika.
Salslister Liste (1988) Plassering Australia 94 Canadian Singles Charthttp://www.collectionscanada.gc.ca/rpm/028020-119.01-e.php?&file_num=nlc008388.8692&type=1&interval=20 9 New Zealand Singles Chart 46 UK Singles Chart 57 U.S. Billboard Hot 100 12 U.S. Billboard Hot Adult Contemporary Tracks 3 U.S. Billboard Hot Mainstream Rock Tracks 13 U.S. Cash Box Top 100Cash Box Top 100 Singles, 29. oktober 1988 17
Kjelder
Denne artikkelen bygger på «Forever Young (Rod Stewart song)» frå , den 4. juni 2018. oppgav desse kjeldene:
Bakgrunnsstoff
Kategori:Rod Stewart-songar Kategori:Songar frå 1988 Kategori:Singlar frå 1988 Kategori:Songar skrivne av Bob Dylan Kategori:Songar skrivne av Rod Stewart Kategori:Songar skulda for plagiat Kategori:Songar skrivne av Jim Cregan Kategori:Songar skrivne av Kevin Savigar Kategori:Warner Bros. Records-singlar