Ignacio Zoco Esparza () var ein spansk fotballspelar frå landsbyen Garde i Navarra som vart europameister med Spania i 1964 og vann europacupen i 1966 med Real Madrid. Gjennom tolv sesongar i Real Madrid var han også med å vinne det spanske seriemeisterskapet sju gongar.
Klubbspel Zoco spelte tredjedivisjonsfotball 1957-59 med amatørlaget Oberena. Etter han vart overført til Osasuna fekk han sin debut i La Liga i januar 1960. Då klubben rykte ned ved sesongslutt vart det andredivisjonsfotball i to sesongar. Sommaren 1962 vart Zoco overført til Real Madrid der han var aktiv til han la opp i 1974. Med Real Madrid vart han seriemeister sju gongar i tida 1963-72. Våren 1966 var han med å vinne europacupfinalen med 2-1 over Partizan Beograd. Fem år seinare tapte Real Madrid og Zoco for London-laget Chelsea FC omkampen i finalen i Cupvinnarcupen 1971. Både i 1970 og 1974 vann Real Madrid den spanske cupfinalen, i den siste finalen kom Zoco inn på bana i sluttminuttane i det som var hans aller siste fotballkamp. I alt spelte Zoco 318 ligakampar for laget frå den spanske hovudstaden.
Landslagsspel Zoco spelte fem landskampar i 1961, men kom ikkje med i VM-troppa 1962. I juni 1964 var han med på det spanske landslaget som vann EM i fotball 1964, etter 2-1-sigrar mot Ungarn i semfinalen og Sovjetunionen i finalen. Han spelte alle tre kampane då Spania rauk ut or Fotball-VM 1966 i England, i den siste kampen var han for fyrste gong kaptein. Sidan spelte han to landskampar i 1968 og den 25. og siste i februar 1969, atter som kaptein. Zoco skåra sitt einaste landslagsmål då Spania den 1. desember 1963 i Valencia tapte 1-2 mot Belgia i ein vennskapskamp.
mini|Real Madrid-laget 1966 med Ignacio Zoco ståande heilt til høgre Merittar Europameister: 1964 for Spania Europacupvinnar: 1966 med Real Madrid Spansk seriemeister: 1963, 1964, 1965, 1967, 1968, 1969 og 1972 med Real Madrid Spansk cupmeister: 1970 og 1974 med Real Madrid Finaletap i cupvinnarcupen: 1971 med Real Madrid
Kjelder Denne artikkelen bygger på «Ignacio Zoco» frå , den 15. juni 2018.
eu-football
Kategori:Spanske fotballspelarar Kategori:Real Madrid-spelarar Kategori:Osasuna-spelarar Kategori:Spelarar i Fotball-EM 1964 Kategori:Spelarar i Fotball-VM 1966