John Hartvig Johnsen () var ein norsk sakførar og politikar frå Kragerø som representerte einmannskrinsen Kragerø på Stortinget 1916–18. Han var tingets einaste representant vald for Fråhaldspartiet, og sat ikkje med noko anna parti.
Liv og virke Johnsen var fødd på Skåtøy utanfor Kragerø, i dåverande Sannidal herad og prestegjeld. Foreldra var Alf Johnsen frå Søndeled og Elise Jakobsdatter frå Stråholmen. Familien flytta etter kvart inn til Kragerø. Faren var gardbrukar på Marienlyst, skipsbyggmeister og seinare besiktelsesmann i Det Norske Veritas.
Han vart student frå ein privatskule i Kristiania i 1886 og var ferdig utdanna cand.jur. i 1893. Frå 1894 var han overrettsakførar i Kragerø. I Kragerø var han medlem i bystyret frå 1901, ordførar 1911–13 og 1920. Tingperioden 1916–18 møtte han på Stortinget, der han var medlem i Næringskomite nr 2. Det var i Johnsen si tid på tinget at det vart vedteke å byggje Kragerøbanen som eit sidespor til Sørlandsbanen.
Kjelder
Stortingsbiografi
Kategori:Norske juristar Kategori:Stortingsrepresentantar 1916-1918 Kategori:Folk frå Kragerø