Valerij Viktorovitsj Bortsjin () er ein russisk tidlegare friidrettsutøvar frå Mordovia som i 2008 vart olympisk meister i 20 km kappgang. Han vart også kåra til verdsmeister i same øvinga både i 2009 og 2011, begge triumfane vart annullerte i 2015.
Aktiv Bortsjin vart andremann i 20 km kappgang ved EM 2006 i Göteborg, eit lite minutt bakom Francisco Javier Fernández frå Spania. To år seinare vann Bortsjin den olympiske gullmedaljen under sommarleikane i Beijing, 14 sekundar før den trefaldige verdsmeisteren i øvinga, Jefferson Pérez frå Mexico.
Både i 2009 og 2011 gjekk Bortsjin inn til siger på 20 km under verdsmeisterskapane i høvesvis Berlin og Daegu. Då desse prestasjonane vart underkjende i 2015, vedtok Det internasjonale friidrettsforbundet at tredjemann i Daegu, Luis Fernando López frå Colombia, skulle tildelast gullmedaljen i 20 km kappgang for 2011.
Under Sommar-OL 2012 kollapsa Bortsjin etter 18 km og braut tevlinga.
Doping Bortsjin var i tida juni 2005- mai 2006 stengd ute frå friidretten grunna doping. I 2015 vart alle hans prestasjonar frå juli 2009 til og Sommar-OL 2012 annullerte, ettersom hans biologiske pass viste store, uforklarlege utslag i den gjeldande perioden, funn som ikkje var kjende med han deltok internasjonalt.
Medaljar og plasseringar i internasjonale meisterskap EM 2006 i Göteborg: Sølvmedalje – 1.20.00, bakom Francisco Javier Fernández (1.19.09) VM 2007 i Osaka: Braut 20 km OL 2008 i Beijing: Gullmedalje – 1.19.01, framom Jefferson Pérez (1.19.15) VM 2009 i Berlin: Annullert gullmedalje – 1.18.41 VM 2011 i Daegu: Annullert gullmedalje – 1.19.56 OL 2012 i London: Braut 20 km
Kjelder Denne artikkelen bygger på «Valeriy Borchin» frå , den 9. august 2018.
World Athletics
Kategori:Russiske kappgjengarar Kategori:Olympiske meistrar for Russland