Sunnmørsbadet er eit badeanlegg i Fosnavåg på Sunnmøre, opna i mars 2015. Anlegget er på 6400 kvadratmeter fordelt på totalt fem basseng. Badeanlegget hadde 100 000 vitjande i 2017.
Sunnmørsbadet har utgangspunkt i Herøy Fritidsbad som opna i 2004. Behov for renovering av det gamle badeanlegget la grunnlag for planar om å utvida badeanlegget til å verta eitt regionalt anlegg. Totalkostnaden enda på 243 millionar kroner og ei budsjettoverskriding på 63 millionar kroner. Trass i dette kunne Sunnmørsbadet melda om overskot allereie i første driftsår. I 2018 vart Sunnmørsbadet òg nominert til Dagens Næringsliv sin Årets gasellebedrift-pris.
Herøy kommune, Herøy Sanitetsforening, Herøy Revmatikerforening, Olympic Shipping og Havila AS er eigarar av Sunnmørsbadet og drifta skjer utan offentleg støtte.
Referansar
Bakgrunnsstoff
Kategori:Herøy kommune i Møre og Romsdal Kategori:Skipingar i 2015 Kategori:Symjeanlegg i Noreg