Hanna Jensen () er ein færøysk adjunkt og politikar for partiet Framsókn. I februar 2019 vart ho medlem av den færøyske regjering som utdannings- og forskingsminister.
Bakgrunn Etter studentereksamen tok Jensen mastergrad i færøysk og fransk språk og litteratur, i tillegg til eksamenar i pedagogikk og jus, ved Københavns Universitet og Fróðskaparsetur Føroya. Ho har vore adjunkt og studietrettleiar ved den vidaregåande skulen i Kambsdalur sidan 2005, etter å ha undervist ved den tekniske skulen i Klaksvík. Jensen har òg vore timelærar i færøysk litteratur ved Føroya Læraraskúli. Ho er busett i Norðragøta.
Jensen har vore medlem av kommunestyret i Eysturkommuna sidan 2009, og har leia både velferdsutvalet og kulturutvalet. Ho representerte Fólkaflokkurin fram til 2011, då ho tok initiativ til å danna det nasjonale og liberale partiet Framsókn saman med Poul Michelsen. Jensen har sidan vore nestformann i partiet. I perioden 2011–2015 var ho vararepresentant til Lagtinget, der ho periodevis møtte for representantane Poul Michelsen og Janus Rein. I 2015 vart Jensen vald inn som representant.
Jensen har vore fransk konsul på Færøyene sidan 2010. I 2012 mottok ho den franske riddarkrossen.- torshavn.fo - Hanna fekk franska riddarakrossin, 1. august 2012.
Kjelder
Denne artikkelen bygger på «Hanna Jensen» frå , den 26. mars 2019.
Kategori:Færøyske lagtingsmedlemmar Kategori:Færøyske politikarar