Edna Ngeringwony Kiplagat () er ein kenyansk langdistanseløpar som vart verdsmeister i maratonløping i 2011 og 2013.
Kiplagat sprang i 2010 inn til siger i både Los Angeles maraton og New York maraton. I 2011 vann ho gullmedaljen i maratonløping ved verdsmeisterskapen i Daegu, 17 sekundar føre landskvinna Priscah Jeptoo. Den 17. april 2002 kom Kiplagat på andreplass i London maraton med ny personbeste på 2.19.50, landskvinna Mary Keitany vann løpet på tida 2.19.19. Fire månader seinare hadde Kiplagat derimot ein dårleg dag i OL-løypa i same byen.
Under Friidretts-VM 2013 i Moskva forsvarte Kiplagat VM-titelen i maraton, sterkt pressa av Valeria Straneo frå Italia. I 2014 vann Kiplagat London maraton og i 2017 Boston Maraton. Seinare i 2017 kneip ho sølvmedaljen under verdsmeisterskapen i London, på same tid som Amy Cragg frå USA. Dei var begge sju sekundar bak kenyansk-bahrainske Rose Chelimo i mål.
Medaljar og plasseringar i internasjonale meisterskap VM 2011 i Daegu: Gullmedalje – 2.28,43, framom Priscah Jeptoo (2.29.00) OL 2012 i London: Nr 20 – 2.27.52 VM 2013 i Moskva: Gullmedalje – 2.25.44, framom Valeria Straneo (2.25.58) VM 2015 i Beijing: Nr 5 – 2.28.18 VM 2017 i London: Sølvmedalje – 2.27.18, bakom Rose Chelimo (2.27,11) VM 2019 i Doha: Nr 4 – 2.35.36
Kjelder Denne artikkelen bygger på «Edna Kiplagat» frå , den 1. juni 2019.
World Athletics
Kategori:Kenyanske langdistanseløparar Kategori:Verdsmeistrar i friidrett for Kenya Kategori:Kenyanske deltakarar under sommar-OL 2012 Kategori:Friidrettsutøvarar under sommar-OL 2012