mini|Håkons Hall på Lillehammer mini|Gjøvik Olympiske Fjellhall
Ishockey under vinter-OL 1994 vart arrangert på Lillehammer og Gjøvik i tida frå 12. til 27. februar 1994. Sverige vart olympisk meister i ishockey for aller fyrste gong, etter finalesiger 3-2 mot Canada. Finland vann bronsefinalen med 4-0 over Russland.
Turneringa 12 land deltok i turneringa, som tok til med ein opningsrunde med seks lag likt fordelt på to grupper. Dei fire beste laga i kvar av gruppene gjekk vidare til utslagsspel, der laga fekk kvartfinalemotstandar basert på plassering i gruppene.
Kvartfinalane Canada – Tsjekkia 3-2 Finland – USA 6-1 Sverige – Tyskland 3-0 Russland – Slovakia 3-2
Semifinalane Canada – Finland 5-3 Sverige – Russland 4-3
Finalen Sverige – Canada 3-2 etter straffeslagstevling, 2-2 etter ekstratid.
Tomas Jonsson sende Sverige i leiinga etter 6.10. Midtvegs i den tredje perioden snudde Canada til 2-1, då Paul Kariya og Derek Mayer skåra etter høvesvis 49.08 og 51.43 minuttars spel. Magnus Svensson utlikna til 2-2 då klokka viste 58.11. Etter 10 mållause tilleggsminuttar var det klart for straffeslagstevling. I denne vart Peter Forsberg kampvinnar då han skåra på Sveriges sjuande forsøk, målvakta Tommy Salo hadde nett stoppa Canadas sjuande straffeskyttar.
9 245 tilskodarar såg kampen i ein fullsett Håkons Hall på Lillehammer, den aller siste tevlinga under dei andre vinterleikane i Noreg.
Sverige sitt meistermannskap Målvakter: Tommy Salo, Håkan Algotsson, Michael Sundlöv. Forsvarar: Magnus Svensson, Fredrik Stillman, Tomas Jonsson, Roger Johansson, Kenny Jönsson, Christian Due-Boje, Leif Rohlin. Løparar: Håkan Loob, Patrik Juhlin, Jörgen Jönsson, Peter Forsberg, Roger Hansson, Mats Näslund, Jonas Bergqvist, Charles Berglund, Stefan Örnskog, Patric Kjellberg, Niklas Eriksson, Andreas Dackell, Daniel Rydmark.
Kjelder
Denne artikkelen bygger på «Olympische Winterspiele 1994/Eishockey» frå , den 5. april 2020.
Kategori:Øvingar under vinter-OL 1994 Kategori:Ishockey under OL Kategori:Ishockey i 1994