Rockette Morton () er ein amerikansk musikar, mest kjend som bassist og gitarist for Captain Beefheart og The Magic Band i 1960- og 1970-åra.
Karriere I 1963, etter han flytta til Lancaster i California, vart Boston med det framtidige Magic Band-medlemmet Bill Harkleroad (òg kjend som Zoot Horn Rollo) i eit band kalla B.C. & the Cavemen.
Han fekk kallenamnet «Rockette Morton» av Captain Beefheart etter han vart medlem i The Magic Band. Morton spelte på fem av albuma til Beefheart: Trout Mask Replica (produsert av Frank Zappa i 1969), Lick My Decals Off, Baby (1970), The Spotlight Kid (1972), Clear Spot (1972) og Unconditionally Guaranteed (1974). Han spelte opphavleg bass, men byta til rytmegitar etter den tidlegare Little Feat-bassisten Roy Estrada kom med i bandet.
I boka Lunar Notes: Zoot Horn Rollo's Captain Beefheart Experience fortalte gitaristen Bill Harkleroad om kranglar mellom Beefheart og medlemmar i bandet. Dette førte til at dei vart oppløyste i 1974, då Rockette Morton slutta for å skipe Mallard i lag med bandkollegaene John French, Bill Harkleroad og Art Tripp. Mallard gav ut to album, Mallard (1975) og In a Different Climate (1976). Etter dette bandet vart oppløyst heldt Morton fram i ulike band som gitarist og bassist.
Morton gav ut eit soloalbum, Love Space, i 2003. Det vart spelt inn i musikkstudioet hans i Aiken i Sør-California.
Diskografi
Captain Beefheart and the Magic Band Trout Mask Replica (1969) Lick My Decals Off, Baby (1970) The Spotlight Kid (1972) Clear Spot (1972) Unconditionally Guaranteed (1974)
Mallard Mallard In a Different Climate
Solo Love Space (2003)
Gjesteartist Ant-Bee: Electronic Church Muzik (Barking Moondog, 2011)
Kjelder
Denne artikkelen bygger på «Rockette Morton» frå , den 25. april 2020. oppgav desse kjeldene:
Litteratur Harkleroad, Bill (1998). Lunar Notes: Zoot Horn Rollo's Captain Beefheart Experience. Interlink Publishing. .
Bakgrunnsstoff Extensive Biographical Information musikkgruppa Mallard web pages online since 1995 Rockette Morton
Kategori:Folk frå Salem i Illinois Kategori:USA-amerikanske rockbassistar Kategori:USA-amerikanske bassistar Kategori:The Magic Band-medlemmar Kategori:USA-amerikanske rockegitaristar Kategori:Rytmegitaristar