New Blood er det femte studioalbumet til det amerikanske bandet Blood, Sweat & Tears, gjeve ut i 1972.
Etter at David Clayton-Thomas slutta som solovokalist for å satse på ein solokarriere etter utgjevinga av BS&T 4, vart neste heile besetninga i bandet byta ut for New Blood. Det var oppstått vanskar mellom poprock-fraksjonen og jazz-fraksjonen i gruppa, og då Clayton-Thomas slutta tidleg i 1972 forsvann òg det originale medlemmet Fred Lipsius. Clayton-Thomas vart ei kort stund erstatta av Bobby Doyle, og det finst eit bilete av bandet som spelar på Down Beat med den nye besetninga, inkludert jazzsakfonisten Joe Henderson. Då albumet skulle spelast inn hadde Jerry Fisher teke over som ny songar, medan Doyle var gjesteartist på piano på «Touch Me» og «Velvet»). Det originale medlemmmet Dick Halligan hadde òg slutta, i tillegg til Henderson.
Albumet vart det siste Blood, Sweat and Tears-albumet som nådde topp 40 på den amerikanske albumlista. Det inneheldt ein singel, «So Long Dixie», som nådde 44. plassen. Plateomslaget, måla av Bob Schulenberg og Dean Torrence frå Jan & Dean, syner to mannlege påfuglar som sit på ein hagemur.
Ein ekstra song, «Time Remembered», vart spelt inn for albumet utan å kome med. Denne kom sidan ut på samleplata The Very Best of Blood, Sweat and Tears: What Goes Up!.
New Blood kom ut att på CD i 2005 på selskapet Wounded Bird.
Mottaking
Ross Boissoneau skreiv på Allmusic at «bandvokalen på 'Touch Me' og arrangementet av Herbie Hancock sin 'Maiden Voyage' er blant høgdepunkta, men så finn ein Bob Dylan sin 'Down in the Flood' og Steve Katz sin 'Velvet'. Gerry Goffin og Carole King sin 'Snow Queen' utjamnar nesten desse, med sensasjonelle soloar frå Dave Bargeron på trombone og Lou Marini på saksofon.»
Innhald
Medverkande Jerry Fisher – vokal Dave Bargeron - trombone, tuba, bass trombone, baryton horn, korvokal Bobby Colomby - trommer, perkusjon, korvokal Jim Fielder - bass, korvokal Steve Katz - elektrisk gitar, akustisk gitar, munnspel, solovokal på «Velvet» Lou Marini - blåseinstrument Lew Soloff - trompet, flygelhorn, pikkolofløyte trompet Chuck Winfield - trompet, flygelhorn, valthorn, korvokal Georg Wadenius – gitar, korvokal Larry Willis – klaverinstrument Bobby Doyle – piano (på «Touch Me» og «Velvet»)
Salslister Album - Billboard (USA) ÅrListePlassering1972Pop Albums32
Kjelder
Denne artikkelen bygger på «New Blood (Blood, Sweat and Tears album)» frå , den 10. mai 2020. oppgav desse kjeldene:
Kategori:Blood, Sweat & Tears-album Kategori:Musikkalbum frå 1972 Kategori:Album produserte av Bobby Colomby Kategori:Columbia Records-album Kategori:Plateomslag av Dean Torrence