Iktar(a) eller ektar(a), som tyder 'ein streng', er eit indisk folkemusikkinstrument som blir brukt i store delar av Sør-Asia som bordun- eller rytmeinstrument for å akkompagnera song. Instrumentet er laga av ein kalebass, kokosnøtt eller resonanskasse av tre dekt med skinn som ein har gjort fast ein todelt hals i og spent ein streng frå.
Iktar-spelaren held instrumentet om halsen like over resonanskassen og klimprar på strengen med peikefingeren på same handa. Om han dansar samtidig kan han halda resonanskassen med andre handa som han gjerne også held små bjøller i. Desse gjev lyd medan han slår handa mot kassen. Dersom han pressar dei to delane av halsen mot kvarandre blir strengen lausare, og lyden blir lågare.
Det finst ulike iktar-storleikar – sopran, tenor og bass. Bass-iktar blir tidvis kalla dotar(a) og har gjerne to strengar.
Iktar blir brukt i tradisjonell og moderne musikk i Bangladesh, India og Pakistan. Han blir mellom anna brukt til religiøs musikk, som baul, kirtan og sufimessing, og til folkemusikk som bhangra.
Galleri
Sjå òg Tumbi Kjelder
Denne artikkelen bygger på «Ektar» frå , og «Ektara» frå den 4. juli 2020.
Bakgrunnsstoff
Kategori:Strengeinstrument Kategori:Bangladeshiske musikkinstrument Kategori:Indiske musikkinstrument Kategori:Pakistanske musikkinstrument Kategori:Sufisme Kategori:Ein