«Don't You (Forget About Me)» er ein song av det skotske rockeband Simple Minds. Han vart skriven og komponert av produsenten Keith Forsey og Steve Schiff, ein gitarist og låtskrivar i bandet til Nina Hagen. Songen vart spelt under opninga (demoen til Forsey) og rulleteksten (innspelinga til Simple Minds) av John Hughes-filmen The Breakfast Club.
Innspeling Songen vart skriven og komponert av produsenten Keith Forsey og Steve Schiff medan dei laga filmmusikken til The Breakfast Club. Begge var fans av Simple Minds og skreiv songen med bandet i tankane. Forsey spelte ein demo for selskapet til bandet, A&M Records, som inviterte han til eit møte med bandet etter ein konsert i USA. A&M hadde derimot ikkje gjeve beskjed om at Forsey kom til å møte dei, og dei avslo tilbodet om å få songen.
Forsey tilbaud så «Don't You (Forget About Me)» til Bryan Ferry, så til Billy Idol, som Forsey var produsent for på den tida, men begge avslo. Idol spelte fleire år seinare inn songen. Plateselskapet føreslo at Corey Hart, som hadde ein hit på denne tida med «Sunglasses at Night» kunne spele songen, men Forsey syntest ikkje at Hart var rette songaren for songen. Songaren i Fixx, Cy Curnin, avslo òg songen.
I følgje Simple Minds-frontmannen Jim Kerr, var bandet motvillig til å spele inn songen, sidan følte dei berre skulle spele inn songar dei sjølv hadde laga. «Me er Simple Minds - me gjer ikkje songar som ikkje høyrest ut som Simple Minds. Me er Simple Minds. Me gjer våre eigne songar,» sa han til BBC i 2018. Bandet var òg frustrert med at dei ikkje klarte å få suksess i USA, og såg ikkje korleis denne songen kom til å endre på det.
Bandet gav til slutt etter for presset frå A&M og frå Chrissie Hynde, som var kona til Kerr på denne tida. Forsey ringte og til Kerr på ny og fortalte kor godt han likte bandet. I følgje ei soge skal bandet ha omarrangert og spelt inn «Don't You (Forget About Me)» i løpet av tre timar i Nord-London og så gløymd han ut i den tru at det var ein annanrangs song til ein forgløymeleg film.
Utgjeving og mottaking Songen held fram rockeretninga dei tok på Sparkle in the Rain, men reflekterte òg den melodiske synthpop-fortida deira. Med god hjelp frå suksessen til The Breakfast Club, gjekk singelen til topps på den amerikanske og den kanadiske singellista. Det var òg den einaste songen deira som gjekk til topps på den amerikanske Top Rock Tracks-lista, der han låg i tre veker. Singelen nådde berre sjuandeplassen i Storbritannia, men låg inne på lista frå 1985 til 1987.
Songen kom ikkje ut på det påfølgjande albumet deira, Once Upon a Time, men kom med på samleplata Glittering Prize 81/92 i 1992. Songen vart derimot mykje spelt på konsertane til bandet.
Innhald 7": Virgin / VS749 (Storbritannia), 7": A&M Records / AM-2703 (USA) «Don't You (Forget About Me)» – 4:20 «A Brass Band in Africa» – 5:10
12": Virgin / VS749-12 (Storbritannia), 12": A&M Records / SP-12125 (USA) «Don't You (Forget About Me)» – 6:32 «A Brass Band in African Chimes» – 9:22
12": Virgin / VSX 1250 (Canada) «Don't You (Forget About Me)» (extended version) – 6:32 «Don't You (Forget About Me)» – 4:20 «A Brass Band in Africa» – 5:10
1988 3" CD: Virgin / CDT2 (Storbritannia) «Don't You (Forget About Me)» – 4:20 «A Brass Band in African Chimes» – 9:22
1988 CD: A&M Records / 75021 2375 2 (USA) «Don't You (Forget About Me)» (live) – 9:02 «Bass Line» – 4:37 «The American» – 3:33
1990 CD: Virgin / THEME10 (Storbritannia) «Don't You (Forget About Me)» – 6:35 «Up on the Catwalk» (extended version) – 7:36 «A Brass Band in African Chimes» – 9:24
Medverkande Jim Kerr – solovokal Charlie Burchill – gitar, klaverinstrument Mick MacNeil – komponist, klaverinstrument Derek Forbes – bassgitar Kenny Hyslop – trommer Mike Ogletree – trommer John Giblin – bassgitar Mel Gaynor – trommer, perkusjon
Salslister og salstrofé
Vekeslister Liste (1985)PlasseringAustralia (Kent Music Report) 6Belgium (VRT Top 30 Flandern)2Canada (CHUM). CHUM.2Italia (Musica e dischi)3South Africa (Springbok Radio) 10US Cash Box Top 100. Cash Box magazine.1 Liste (1988)Plassering Liste (2004)Plassering Liste (2012)PlasseringUS Rock Digital Songs (Billboard)41
Årslister Liste (1985)PlasseringAustralia (Kent Music Report)47Austerrike (Ö3 Austria Top 40)28Belgia (Ultratop 50 Flandern)1Tyskland (Official German Charts)23Nederland (Nederlandsk Topp 40)8Nederland (Single Top 100)11New Zealand (Recorded Music NZ)26Sveits (Schweizer Hitparade)26US Billboard Hot 10016US Dance Club Songs (Billboard)33US Mainstream Rock (Billboard)10US Cash Box Top 100. Cash Box magazine.12 Gjennom alle tider Liste (1958-2018) PlasseringUS Billboard Hot 100482
Salstrofé
Kjelder
Denne artikkelen bygger på «Don't You (Forget About Me)» frå , den 10. september 2020.
Bakgrunnsstoff [ AllMusic: Keith Forsey]
Kategori:Singlar frå 1985 Kategori:Songar frå 1985 Kategori:Simple Minds-songar Kategori:Songar på toppen av Billboard-lista Kategori:Songar på toppen av Billboard Mainstream Rock-lista Kategori:Nummer-ein-singlar i Nederland Kategori:Nummer-ein-singlar i Canada Kategori:Songar skrivne av Keith Forsey Kategori:Songar produserte av Keith Forsey Kategori:Songar skrivne for filmar Kategori:Virgin Records-singlar Kategori:A&M Records-singlar Kategori:Billy Idol-songar