«Don't Start Me Talkin'» (òg kalla «Don't Start Me to Talkin'») er ein bluessong skriven og framført av Sonny Boy Williamson II. Det var den første singelen Williamson spelte inn for Checker Records, og han nådde tredjeplassen på den amerikanske Billboard R&B-lista i 1955.
Innspeling Etter at Trumpet Records la inn årene, hadde Sonny Boy Williamson II den første innspelinga si for Checker Records den 12. august 1955. «Don't Start Me Talkin'» vart spelt inn denne dagen. Williamson sjølv song og spelte munnspel, og han hadde elles med seg Otis Spann på piano, Muddy Waters og Jimmy Rogers på gitar, Willie Dixon på bass og Fred Below på trommer.
Utgjeving «Don't Start Me Talkin'» vart gjeven ut på singel i september 1955, ein månad etter han vart innspelt. Songen nådde tredjeplassen på Billboard R&B Singles-lista.
Andre utgjevingar Begge sidene av singelen kom ut på debutalbumet til Williamson i 1959, Down and Out Blues, som vart innlemma i Blues Hall of Fame in 2007.Past Hall of Fame Inductees Blues Foundation. Henta 10. januar 2011.
Andre utgåver James Cotton, som lærte å spele munnspel av Williamson, spelte inn «Don't Start Me Talkin'», for albumet The James Cotton Blues Band i 1967. New York Dolls spelte inn songen for det andre albumet deira, Too Much Too Soon. Bob Dylan spelte songen på The David Letterman Show i 1984. Andre musikarar som har spelt songen er mellom andre John Hammond jr., The Doobie Brothers, Dion, The Yardbirds, Climax Blues Band, Champion Jack Dupree, Rory Gallagher, Willie «Big Eyes» Smith, Fenton Robinson, Good Rockin' Charles og Gary Moore.
Kjelder
Denne artikkelen bygger på «Don't Start Me Talkin'» frå , den 1. november 2020. oppgav desse kjeldene:
Kategori:Songar frå 1955 Kategori:Sonny Boy Williamson II-songar Kategori:Singlar frå 1955 Kategori:Bluessongar Kategori:Checker Records-singlar Kategori:The Doobie Brothers-songar Kategori:The Yardbirds-songar Kategori:New York Dolls-songar Kategori:Dion DiMucci-songar Kategori:Rory Gallagher-songar Kategori:Gary Moore-songar