Dedicated er det tiande studioalbumet til det amerikanske rockebandet The Marshall Tucker Band, gjeve ut i 1981. Det vart «dedisert» til den tidlegare bassisten og medlemmet deira Tommy Caldwell, som omkom i ei bilulukke året før. Han var bror til Toy Caldwell i bandet. Berre ein månad før ulukka til Tommy, hadde ein annan bror av dei, Timmy, omkomme i ei liknande bilulukke.
Albumet vart produsert av Tom Dowd og er eit nokså glatt og polert album. Det var det første albumet med Franklin Wilkie på bassgitar, som tok over for Tommy Caldwell.
Gruppa var i grenseland mellom radiovennleg rock og ein southern rock-stil som var populær på denne tida, med songar som «Rumors Are Raging», «Tonight's the Night» og «Love Some». Charlie Daniels var gjesteartist på fele og gav somme songar ein smak av country.
Allmusic skreiv om albumet: «Den ubestridde kronjuvelen er avslutningssporet 'Ride in Peace', som er eit rørande farvel til dei to Caldwell-brørne, spelt inn på eitt enkelt forsøk i det som står som den beste songen gruppa nokon gong spelte inn.»
Innhald
Medverkande
Toy Caldwell - gitar, steelgitar, vokal, korvokal Jerry Eubanks - fløyte, klaverinstrument, saksofon, korvokal Doug Gray - gitar, solovokal George McCorkle - gitar Paul Riddle - trommer, perkusjon, korvokal Franklin Wilkie - bassgitar, blåseinstrument, korvokal
Gjestemusikarar Norton Buffalo - munnspel Charlie Daniels - fele
Teknisk Tom Dowd - produsent Ron Rainey - leiande produsent Kevin Herron - lydteknikar Joseph Foglia - assisterande lydteknikar Gary Laney - assisterande lydteknikar Philip Rose - plateomslag
Kjelder
Denne artikkelen bygger på «Dedicated av The Marshall Tucker Band» frå , den 29. desember 2020. oppgav desse kjeldene:
Kategori:Marshall Tucker Band-album Kategori:Musikkalbum frå 1981 Kategori:Warner Bros. Records-album