Rockbridge County er eit county i den amerikanske delstaten Virginia. Ved folketeljinga i 2010 hadde det eit folketal på 22 307. Administrasjonsstaden og den største byen i fylket er Lexington.
Historie mini|venstre|Maple Hall, antebellumhus i Rockbridge County nord foe Lexington.
Rockbridge County blei skipa i oktober 1777 av delar av Augusta og Botetourt, som no er nabocounty. Det fekk namn etter steinformasjonen Natural Bridge, eit landemerke i sørdelen av countyet.
Countyet blei skipa for å redusera reisetida til den næraste domstolen, for å sikra rettvise rettsakar haldne blant kjentfolk. Det fyrste rettsmøtet i Rockbridge County blei halde heime hjå Samuel Wallace den 7. april 1778. Det var færre slavar i Rockbridge County enn i mange andre delar av Virginia, og motstanden mot slaveriet var dermed sterkare her enn elles. Til dømes var fleire medlemmar av fakultetet ved Washington College (no Washington and Lee University) sterke slaverimotstandarar. Mange av dei rikaste innbyggjarane i Rockbridge County var likevel slaveeigarar som testamenterte slavane til enkjene og barna sine.Sjå t.d. Alfred L. Brophy & Douglas Thie, "'Land, Slaves, and Bonds': Trust and Probate in the Pre-Civil War Shenandoah Valley," West Virginia Law Review vol. 119 (2016):345.
Cyrus McCormick fann opp sjølvavleggaren i nærleiken av Steele's Tavern nord i countyet.
Kjelder
Denne artikkelen bygger på «Rockbridge County, Virginia» frå , den 29. juli 2021.
Bakgrunnsstoff
Kategori:County i Virginia Kategori:Skipingar i 1777