Hawkshead er ein landsby og eit parish i Cumbria i England. Innanfor parish-grensene ligg bygdene Hawkshead Hill i nordvest, og Outgate i nord. I Hawkshead ligg det ein barneskule, men ingen ungdomsskule, og fire pubar.
Geografi Hawkshead ligg like nord for Esthwaite Water, i ein dal vest for Windermere og aust for Coniston Water. Han høyrer til regionen Furness, og er dermed historisk sett ein del av grevskapet Lancashire.
Historie mini|venstre|National Trust-butikk og puben Red Lion. Hawkshead høyrde opphavleg til munkane ved Furness Abbey. Colthouse i nærleiken har namn etter stallane til klosteret. Hawkshead voks til ein viktig ullmarknad i mellomalderen, og blei seinare til ein marknandsby etter oppløysinga av klostera i England i 1532. Byen fekk sitt fyrste marknads-charter av kong Jakob I i 1608. I 1585 blei Hawkshead Grammar School skipa av erkebiskop Edwin Sandys av York etter å ha fått løyve frå dronning Elizabeth I.
Hawkshead fekk lokal tyding på 1700- og 1800-talet. Diktaren William Wordsworth var elev ved Hawkshead Grammar School. Landsbyen er skildra i Wordsworth sitt dikt The Prelude. Beatrix Potter budde i nærleiken med ektemannen sin William Heelis, ein advokat frå landsbyen.
Med skipinga av Lake District nasjonalpark i 1951 fekk turisme ei større tyding i området, men det blir også drive tradisjonelt landbruk rundt landsbyen.
Mange av eigedommane i og rundt landsbyen tilhøyrer no verneorganisasjonen National Trust. Namnet på National Trust-eigedommen er Hawkshead and Claife.
Galleri
Kjelder
Denne artikkelen bygger på «Hawkshead» frå , den 23. august 2021.
Bakgrunnsstoff
Beatrix Potter Gallery and Hawkshead information at the National Trust Hawkshead in an Illustrated guide to the Lake District Hawkshead Grammar School Museum Photographs of Hawkshead The Benefice of Hawkshead with Low Wray and Sawrey and Rusland and Satterthwaite Kategori:Landsbyar i Cumbria