Vladimir Nikolajevitsj Artjomov () er ein russisk tidlegare turnar frå Vladimir som representerte Sovjetunionen. Han vart olympisk meister i 1988 og vann elles tre gull i enkeltøvingar og lagkampen. Artjomov vert rekna som ein av dei aller beste skranke-turnarane nokon gong. Han utvandra til USA i 1990.
Aktiv Artjomov var med på Sovjetunionen sitt landslag frå 1983 til 1989. I Turn-VM 1983 i Budapest vann han gull i skranke. To år seinare vart han andremann i mangekampen ved VM i Montreal, landsmannen Jurij Koroljov vart verdsmeister. I Rotterdam i 1987 vann Artjomov på ny gull i skranke i verdsmeisterskapen.
Under dei olympiske sommarleikane 1988 i Seoul vann Artjomov gull i mangekamp, skranke, svingstang og i lagtevlinga, i frittståande fekk han sølv. I sin siste verdsmeisterskap, i 1989 i Stuttgart, vart han for tredje gong verdsmeister i skranke. Individuelt henta han også sølv i svingstong og frittståande, medan det vart bronse i hopp. Åra 1985, 1987 and 1989 var han med i dei sovjetiske mannskapa som vann VM-gull.
Kjelder
Denne artikkelen bygger på «Wladimir Nikolajewitsch Artjomow» frå , den 20. oktober 2021.
Kategori:Russiske turnarar Kategori:Sovjetiske turnarar Kategori:Olympiske meistrar for Sovjetunionen Kategori:Olympiske sølvmedaljevinnarar for Sovjetunionen Kategori:Medaljevinnarar under sommar-OL 1988 Kategori:Sovjetiske deltakarar under sommar-OL 1988 Kategori:Gymnastar under sommar-OL 1988 Kategori:Folk frå Vladimir