Austersjømarihand (Dactylorhiza majalis ssp. baltica) er ei plante i marihandslekta Dactylorhiza i orkidéfamilien (marihandfamilien) Orchidaceae. Ho veks ikkje i Noreg.
Systematikk Austersjømarihand høyrer til kongsmarihand-gruppa D. majalis. Heile gruppa er tetraploid og har truleg kome til ved hybridisering mellom dei to diploide plantene engmarihand (D. incarnata) og skogmarihand (D. maculata ssp. fuchsii), kopla med dobling av kromosomtalet.
I dei tre baltiske statane og i Polen blir austersjømarihand rekna som ein eigen art (D. baltica). Tidlegare blei òg namnet D. longifolia brukt.
Underartar av D. majalis i Noreg er smalmarihand (ssp. sphagnicola), lappmarihand (ssp. lapponica) og purpurmarihand (ssp. purpurella). Nominatunderarten (ssp. majalis) lever i Sverige og Danmark.
Utbreiing Eit einskildfunn av austersjømarihand i Hurum i 2006–07 reknar ein med kom inn i landet med tømmer.
Austersjømarihand (svensk namn baltnycklar) er i Sverige oppgradert frå sterkt truga til kritisk truga (CR) i 2025. I Finland er han sett på som ein eigen art D. baltica (finsk namn baltiankämmekkä), har nokre få funnstader på sørkysten og blir rekna som sterkt truga (EN).
I Estland (estisk namn balti sõrmkäpp) er austersjømarihand vanleg over heile landet og er rekna som livskraftig (LC). I Latvia (latvisk namn baltijas dzegužpirkstīte) er han òg ganske vanleg og står ikkje som truga på den latviske raudlista. I Litauen er han (litauisk namn baltijinė gegūnė) vanleg over heile landet og er rekna som livskraftig. I Polen er han (polsk namn kukułka bałtycka) rekna som sårbar (VU, narażony.
Hybridar I Sverige og Estland er det registrert hybridar mellom austersjømarihand og skogmarihand (Dactylorhiza maculata ssp. fuchsii × majalis ssp. baltica).
Referansar
Genetisk variasjon og taksonomi i gruppa blir handsama i:
Bakgrunnsstoff
Kategori:Orkidear i Sverige Kategori:Orkidear i Finland Kategori:Orkidear i Estland Kategori:Orkidear i Latvia Kategori:Orkidear i Litauen Kategori:Orkidear i Polen Kategori:Marihandslekta