Stortviblad (Neottia ovata) er ei plante i fuglereirslekta Neottia i orkidéfamilien (marihandfamilien) Orchidaceae.
Utsjånad mini|Blomestanden til stortviblad. Stortviblad er ein opptil 60 centimeter høg orkidé med to store, ovale blad nedst på stengelen. Dei mange gulgrøne blomane sit i et høgt og smalt aks. Stortveblad kan somme stader finnast i store mengder.
Systematikk Tidlegare var stortviblad knytta til tvibladslekta Listera med namnet Listera ovata, men nyare genetisk forsking har synt at arten skal innlemmast i slekta Neottia, trass i dei store morfologiske ulikskapane.
Utbreiing Stortviblad veks i kalkrik skog over det meste av landet til Porsanger. I raudlistevurderinga 2021 har arten status som livskraftig (LC).
Arten finst òg i Sverige (status LC, svensk namn tvåblad), i Danmark (LC, dansk namn ægbladet fliglæbe), i Finland (LC, finsk namn soikkokaksikko) og på Island (NT, islandsk namn hjónagras).
Stortviblad (engelsk namn common twayblade) er vanleg over heile Dei britiske øyane. I den britiske raudlista er status for arten endra i 2025 frå livskraftig til nær truga (NT), medan han lokalt i England og Wales er rekna som livskraftig (LC), og han er ikkje nemnd for tiltak i Skottland. I den irske raudlista har arten status som livskraftig (LC).
I Estland (estisk namn suur käopõll) veks stortviblad over heile landet og er rekna som livskraftig (LC). I Latvia (latvisk namn ovālā divlape) er arten temmeleg vanleg over heile landet og står ikkje som truga på den latviske raudlista. I Litauen (litauisk namn kiaušininė dviguonė) er arten mellom dei mest vanlege orkideane og er rekna som livskraftig.
I Benelux veks arten (nederlandsk namn grote keverorchis , fransk namn listère ovale) over store delar av landet i Nederland og både i Flandern og Vallonia i Belgia. I den nederlandske raudlista er arten rekna som livskraftig (LC, thans niet bedreigd). I Belgia er han rekna som livskraftig (LC, momenteel niet in gevaar) i Flandern og er i 2026 nedgradert frå nær truga til livskraftig (LC, considération mineure) i Vallonia. I Luxembourg er han rekna som livskraftig (LC).
I Tyskland er arten (tysk namn Großes Zweiblatt) rekna som livskraftig (LC, ungefährdet), i Polen (polsk namn listera sercowata eller gnieźnik sercowaty) veks han i det meste av landet og blir rekna som livskraftig (LC).
Referansar
Bakgrunnsstoff
Kategori:Orkidear i Noreg Kategori:Orkidear i Sverige Kategori:Orkidear i Danmark Kategori:Orkidear i Finland Kategori:Orkidear på Island Kategori:Orkidear i Storbritannia Kategori:Orkidear i Irland Kategori:Orkidear i Estland Kategori:Orkidear i Latvia Kategori:Orkidear i Litauen Kategori:Orkidear i Nederland Kategori:Orkidear i Belgia Kategori:Orkidear i Luxembourg Kategori:Orkidear i Tyskland Kategori:Orkidear i Polen Kategori:Fuglereirslekta