Jiella er eit band frå Utsjok i Finland som speler popmusikk og syng på nordsamisk. Jiella var ei føregangsgruppe innan moderniseringa av den tradisjonelle luohti-musikken til samar frå Teno, då dei byrja å ta inn moderne vestlege musikkelement som pop og disco i den tradisjonelle joiken.
Soga til Jiella byrja på midten av 1990-talet, då Niilo Rasmus danna ei gruppe saman med to av dei fire døtrene sine, Eeva-Liisa og Jenna. I 1999 opptredde dei for fyrste gong offentleg med songar han hadde skrive. På dette tidspunktet var bandet kjent som «Niilo ja nieiddat» (Niilo og døtrene hans). Seinare endra bandet namn til Jiella, som tyder 'lett bris' på nordsamisk. Ei tredje syster, Mia, blei også med i gruppa.
Under den samiske påskefeiringa i 2002 deltok Jiella i song-kategorien av Sámi Grand Prix med songen «Čeavli» ('Arroganse') I desember same året gav gurppa ut det fyrste albumet sitt, Gosnu ('Einstad'). Dette er det einaste albumet Mia Rasmus syng på. Songar frå albumet blei mykje spelt på samiske radiostasjonar i Noreg, Sverige, Finland og Russland.
Det andre albumet deira, Eallinbálgát ('Livsvegar'), kom ut fire år seinare, den 8. juli 2006. Dei fleste songane på dette albumet var skrivne av Niilo Rasmus,men joiken «Olát» var skriven saman med Ilmari Rasmus og teksten til songane «Amma ealát fámolaččat», «Dovddatgo ruonas hája» og «Čakčamodji sániid» var skrivne av diktaren Inger-Mari Aikio-Arianaick.
I tillegg til på sine eigne album har Jiella også opptredd på albumet til Sámi Grand Prix 2002 og på Inger-Mari Aikio-Arianaick sitt album med barnesongar, Ima ipmašat - mánáidlávlagat, frå 2007.
Medlemmer
Niilo Rasmus – instrument, vokal Eeva-Liisa Rasmus – vokal Jenna Rasmus – vokal
Diskografi
Gosnu (2002) Eallinbálgát (2006)
Kjelder
Denne artikkelen bygger på «Jiella» frå , og «Jiella» frå den 1. mai 2022.
Kategori:Musikkgrupper skipa i 1999 Kategori:Finske musikkgrupper Kategori:Samiske musikkgrupper