Kekertenøya er ei folketom øy nord i Canada i territoriet Nunavut. Ho ligg i Cumberland Sound utanfor Baffinøya, 50 km sør for Pangnirtung, og er den sørlegaste av Kikastan-øyane.
Kekerten Territorial Park ligg på øya. Her finst det restar etter den tidlegare kvalfangststasjonen her, som jernkar nytta til å koka kvalolje, tufter etter lagerhus og ein gravplass for kvalfangarane.
Kekertenøya var ein viktig kvalstasjon for britiske og amerikanske kvalfangarar. Skotske kvalfangarar hadde vore verksame i Cumberland Sound sidan tidleg på 1900-talet, og då amerikanske kvalfangarar kom til i 1850-åra blei det skipa vinterstasjonar. Kaptein William Penny frå Aberdin var på Kekerten i fleire vintrar kring 1883–84. Antropologen Franz Boas budde på Kekerten medan han studerte Baffin Island i 13 månader frå august 1883. Mange innfødde frå området trakk mot øya, og tilpassa seg kvalfangaråret, med moglegheitar for arbeid og handel. Ved slutten av sesongen var det vanleg å driva handel med våpen, teleskop og farkostar.
I 1915 blei Kekerten kjøpt av Robert Kinnes & Co. og driven som ein handelspost. Denne blei kjøpt av Hudson's Bay Company i 1923. Då HBC skipa ein hovudhandelspost i Pangnirtung blei Kekerten forlaten kring 1925.
Kjelder
Denne artikkelen bygger på «Kekerten Island» frå , den 11. august 2026.
Kategori:Kvalfangst Kategori:Øyar i Nunavut Kategori:Øyar i Arktis