Monika Liubinaitė (), kjend profesjonelt som Monika Liu, er ein i litauisk songar og låtskrivar. Ho representerte Litauen i Eurovision Song Contest 2022 med songen «Sentimentai».
Bakgrunn Liubinaitė var fødd og vaks opp i kystbyen Klaipėda i Litauen og byrja med musikk allereie frå ung alder. Som femåring byrja ho med fiolinundervisning, og nokre år seinare byrja ho å syngje, og å delta i lokale songtevlingar.
Seinare studerte Liubinaitė musikk ved Klaipėda universitet. Etter studia flytta ho til Boston i USA for å studere ved Berklee College of Music. Seinare flytta ho til London for å jobbe vidare med musikken. Ho bur no heime i Litauen, i hovudstaden Vilnius, og har utgjeve ei rekkje singlar og album. Liubinaitė er fire gongar nominert til en M.A.M.A.-pris, det litauiske svaret på Spellemannprisen, og ho har vore dommar i tv-program som litauiske The Voice og Maskorama.
I februar 2022 deltok Liubinaitė i den litauiske songtevlinga Pabandom iš naujo 2022 på LRT televizija med sin eigenkomponerte låt «Sentimentai». Ho vann finalen 12. februar med toppoeng i både jury- og telefonavrøystinga. Gjennom sigeren fekk ho representere Litauen i Eurovision Song Contest 2022 i Torino, der ho vart nummer 14.
Liubinaitė beskriv sjølv musikkstilen sin som elektropop og har vorte samanlikna med den islandske artisten Björk.
Diskografi Studioalbum 2015 – I Am 2019 – Lünatik 2020 – Melodija
Singlar 2017 – «Hello» 2019 – «Komm zu mir» 2019 – «Resist No More» 2019 – «Falafel» 2019 – «No Matter What» 2019 – «Sometimes I Loved You Sometimes You Loved Me» 2019 – «Detective» 2019 – «I Wanna Be a Man» 2019 – «I Got You» 2019 – «Vaikinai trumpais šortais» 2020 – «Troškimas» 2022 – «Sentimentai» 2022 – «Bossa»
Kjelder
Denne artikkelen bygger på «Monika Liubinaitė» frå , den 2. november 2022.
Kategori:Litauiske songarar Kategori:Litauiske Eurovision Song Contest-deltakarar Kategori:Litauiske Eurovision Song Contest-låtskrivarar Kategori:Eurovision Song Contest 2015-låtskrivarar Kategori:Eurovision Song Contest 2022-deltakarar Kategori:Eurovision Song Contest 2022-låtskrivarar