Bakersjøen (engelsk , inuktitut , 'der elva vidar seg ut') er ein innsjø i Canada. Han ligg i Nunavut, sentralt i landet. Han har ei flatevidd på kvadratkilometer, og inneheld fleire bukter og øyer. Sjøen får vasstilførsel frå Thelonelva frå vest og Kazanelva frå sør. Det renn ut i Chesterfieldbukta. Busetnaden Baker Lake ligg nordvest for sjøen, ved munningen av Thelon.
Traktene rundt Bakersjøen er så godt som folketomme, med mindre enn to innbyggjarar per kvadratkilometer. Det finst to reinflokkar i området, Beverly- og Qamanirjuaq-karibuflokkane, i tillegg til anna arktisk dyreliv knytt til Nord-Canada.
Historie Tradisjonelt heldt ni ulike inuittiske grupper til i området. Fire av dei heldt til nord for dagens busetnad Baker Lake: Illuiliqmiut-, kihlirnirmiut-, hanningayuqmiut- og ukkuhiksalingmiutfolk. Frå aust til nordvest for sjøen heldt qairnirmiut- og hauniqturmiutfolk til. Akilinirmiutar heldt seg nordvest for sjøen, medan harvaqtuurmiutar og paalirmiutar heldt til sør for han.
Sjøen blei utforska i 1762 av William Christopher, som kom hit via Chesterfieldbukta. Den fyrste gongen styresmaktene slo seg ned her var i 1915, då Royal North-West Mounted Police skipa ein post ved austenden av vatnet. I 1916 skipa Hudson's Bay Company ein handelsstasjon ved Kazanelvedeltaet fram til 1930, då han blei flytta til den noverande staden sin, den noverande Baker Lake.
Kjelder
Denne artikkelen bygger på «Baker Lake, Nunavut (sjö)» frå og «Baker Lake (Nunavut)» frå , den 25. november 2022.
Bakgrunnsstoff
Kategori:Geografi i Nunavut Kategori:Innsjøar i Canada