Blålauk (Allium caerulum) er ei plante i laukslekta i påskeliljefamilien. Arten har tidlegare òg vore kjend under det vitskaplege namnet A. azureum og har vore kalla asurlauk eller azurlauk på norsk. Han høyrer naturleg heime i Nord- og Sentral-Asia.
I Noreg er arten ein framandart som er innført som prydplante. Prydlauk er forvilla i Botanisk hage i Oslo frå 1947 og i Frogn på 2000-talet. I Framandartslista 2023 er arten registrert med låg risiko (LO), oppgradert frå ingen kjend risiko (NK) i 2018.
Asurlauk blir vanlegvis rundt 50-60 cm høg, men stilken kan variera frå 25 til 85 cm. Planta har sterkt asurblå blomar. Ho har vore nytta som prydplante i lang tid, og er omtala i Flore des Serres et des Jardins de l'Europe av Charles Antoine Lemaire (1800-1871). Ho blir sjeldan eten av dyr.
Bilete
Kjelder
Bakgrunnsstoff
Kategori:Laukslekta