Holiday er det fjerde studioalbumet til det amerikanske folkrockbandet America, utgjeve på Warner Bros. Records i juni 1974. Albumet vart produsert i London av den mangeårige Beatles-produsenten George Martin, det første av sju album på rad han produserte for America.
Albumet vart ein stor hit i USA, og nådde tredjeplassen på Billboard-lista og vart gullsertifisert av RIAA. Det produserte to hitsinglar: «Tin Man» nådde fjerdeplassen på Billboard-lista og gjekk til topps på adult contemporary-lista; og «Lonely People» som nådde femteplassen på Billboard-lista og som òg gjekk til topps på adult contemporary-lista. Fleire andre songar fekk radiospeling på FM-stasjonar som spelte albumspor, inkludert «Baby It's Up To You» og «Another Try».
Albumet vart òg gitt ut på kvadrofonisk lydband for 4-kanalsentusiastar.
Historie Bandmedlem Dewey Bunnell var begeistra over høvet til å jobba med Martin som produsent. Han vart sitert på at det «var flott å jobba med George. Det var som om me kjende kvarandre. Me var kjende med Beatles, sjølvsagt, og me hadde den britiske sansen for humor.»Hyatt, Wesley (1999). The Billboard Book of #1 Adult Contemporary Hits (Billboard Publications), side 147. I eit eige intervju hugsa Dan Peek til magasinet Circus: «Gerry (Beckley) hadde vore i England, og me hadde snakka om å bruka George Martin som produsent. Han er ein fantastisk arrangør, når eg tenkjer på alt han har gjort. Det var fleire andre folk me ønskte å bruka, men den ideen dukka opp og George var tilgjengeleg.»Lonely People Songfacts
Det var innspelingsdebuten til den mangeårige trommeslagaren til America, Willie Leacox, som sit i bilen på biletet på plateomslaget.
Mottaking
I Allmusic-melding si noterte musikkritikaren Mike DeGagne effekten av produksjonen til George Martin på albumet så vel som tilbakekomsten frå fiaskoen med Hat Trick, og skreiv «dette albumet slo samla sett fast at gruppa definitivt viste det sanne potensialet sitt igjen.»
Innhald
Medverkande America Dewey Bunnell - vokal, gitar Gerry Beckley - vokal, gitar, klaverinstrument, bass Dan Peek - vokal, bass, gitar, klaverinstrument med: Willie Leacox - trommer, perkusjon Teknisk George Martin - produsent, arrangør, klaverinstrument Geoff Emerick - lydteknikar Peter Henderson - lydbandoperatør Gary Burden - kunstnarisk leiar
Salslister Liste (1974) Plassering Australske album (Kent Music Report)25
Salstrofé
Kjelder
Denne artikkelen bygger på «Holiday (America album)» frå , den 18. april 2023. oppgav desse kjeldene:
Kategori:Musikkalbum frå 1974 Kategori:America-album Kategori:Musikkalbum produserte av George Martin Kategori:Warner Bros. Records-album