Nightlife er det fjerde studioalbumet til det irske rockbandet Thin Lizzy, gitt ut 8. november 1974 ¨på Vertigo Records. Det vart produsert av Ron Nevison og bandleiar Phil Lynott, og var det første albumet med bandet som kvartett med nykommarane Scott Gorham og Brian Robertson på gitar.
Nokre nyutgivingar, og av og til andre kjelder, stavar albumtittelen som Night Life, det same som songtittelen. Den opphavlege albumtittelen er likevel Nightlife.
Songen «Philomena» vart skriven til mor til Lynott.
Plateomslag Plateomslaget var designa av Jim Fitzpatrick og syner ein panterliknande skapning i eit bymiljø. Panteren er ofte rekna for å representera Lynott, men Fitzpatrick har stadfesta at panteren refererte til Black Panthers og afroamerikanske politiske personar som Malcolm X og Martin Luther King jr.
Mottaking
Stephen Thomas Erlewine frå AllMusic skildra Nightlife som ei «undervurdert perle av ei plate», men ein «fullstendig anomali i katalogen deira» ... «ei dempa, sjelfull plate, glatt på måtar som Thin Lizzy aldri var før og sjeldan var etterpå». Han trekkjer fram «She Knows» som «forsiktig drivande, [og] fullstendig avhengnadsskapande», men legg til at det «framleis er augneblink med tøff, primal rock 'n' roll», som «It's Only Money» og «Sha La La». Martin Popoff vurderte albumet som «meir gåtefullt, oppriktig og filosofisk komplekst enn mykje annan rock 'n' roll der ute på den tida», men òg «for fjernt frå hjartet og sjela til bandet» og openlyst inn i svart musikk, med Lynott «søkjande etter måtar å hylla rasearven sin på.»
Innhald
Songen «Night Life» låner tittel og refreng frå Willie Nelson-songen «Night Life» frå 1960, men Nelson er ikkje kreditert på albumet.
På kassettversjonen var plasseringa av «She Knows» og «Showdown» byta om.
Ommastra utgåve Ei ommastra luksusutgåve på to CD-ar med Nightlife kom ut 12. mars 2012.
Singlar Philomena/Sha-La-La – 7" (1974) It’s Only Money/Night Life – 7" (1974) Showdown/Night Life – 7" (1974)
Medverkande Thin Lizzy Phil Lynott – bassgitar, vokal, akustisk gitar, produsent Scott Gorham – gitar Brian Robertson – gitar, korvokal Brian Downey – trommer, perkusjon
Andre medverkande Frankie Miller – felles solovokal på «Still in Love with You» Gary Moore – sologitar på «Still in Love with You» Jean Alain Roussel – Hammond B3, piano på spor 1, 4, 5 og 10 Jimmy Horowitz – orkesterarrangement på spor 1, 5 og 10
Produksjon Ron Nevison – produsent, lydteknikar, miksing Ted Sharp – lydteknikar Arnie Acosta – mastering på The Mastering Lab, Los Angeles
Coverversjonar Det amerikanske metalbandet Slough Feg covra «Sha La La» på ei splitta plate med Bible of the Devil i 2006, og igjen på livealbumet Made in Poland frå 2011. Concrete Blonde spelte «It's Only Money» i 1989 på albumet deira Free. «It's Only Money» vart spelt inn på nytt 35 år seinare av Robertson på soloalbumet hans Diamonds and Dirt frå 2011. The Obsessed spelte «It's Only Money» i 2017 på albumet deira Sacred. John Norum spelte inn «It's Only Money» i 2010 på albumet hans Play Yard Blues. Sade spelte «Still In Love with You» som eit nytt spor på 2011-samlinga hennar The Ultimate Collection.
Kjelder
Denne artikkelen bygger på «Nightlife (Thin Lizzy album)» frå , den 22. april 2023.
Kategori:Thin Lizzy-album Kategori:Musikkalbum frå 1974 Kategori:Album produserte av Ron Nevison Kategori:Vertigo Records-album Kategori:Mercury Records-album Kategori:Album spelte inn i Trident Studios Kategori:Album spelte inn i Olympic Sound Studios