Kemal Kılıçdaroğlu () er ein tyrkisk sosialdemokratisk politikar. Han har vore leiar for det republikanske folkepartiet (tyrkisk Cumhuriyet Halk Partisi) sidan 2010. Kılıçdaroğlu har vore parlamentsmedlem for Istanbul sidan 2002.
Liv og virke Bakgrunn Kemal Kılıçdaroğlu vart fødd i Ballıca i Nazımiye i Tunceliprovinsen, aust i Tyrkia. Han er det fjerde barnet av sju. Faren hans var blant mange tusen kurdarar som tok del i det mislykka Dersim-opprøret.
Familien heitte opphavleg Karabulut, men av di nesten alle i byen hadde det same familienamnet Karabulut, så bytte faren hans på 1950-talet til familienamnet Kılıçdaroğlu.
Karriere Kemal oppnådde bachelorgraden sin i økonomi ved Gazi Universitetet i Ankara. Han byrja karrieren sin som rekneskapsassistent i det tyrkiske finansdepartementet i 1971. Kemal arbeidde dernest som revisor eit år i Frankrike. Han heldt fram som revisor fram til 1983, då han vart avdelingsleiar – og seinare visedirektør – for direktoratet for inntekter.
I 1991 vart Kemal Kılıçdaroğlu utnemnt til generaldirektør for trygdeinstitusjonen Bağ-Kur for handverkarar og sjølvstendig næringsdrivande. Dernest yrkte han i sosialforsikringsorganisasjonen, Sosyal Sigortalar Kurumu (SSK), der han var leiar frå 1992–1996 og 1997–1999. Kılıçdaroğlu tiltredde også i ein periode som visestatssekretær for Arbeids- og sosialsikkerheitsdepartementet i Tyrkia.
Politisk karriere Kılıçdaroğlu gjekk inn i det republikanske folkepartiet (CHP) i 2002.
Etter valet 2002 kom Kılıçdaroğlu inn i det tyrkiske parlamentet som milletvekili (parlamentsmedlem) frå Istanbul. I valet 2007 vart han vald att til parlamentsmedlem frå Istanbul. Han vart då òg gruppeleiar for parlamentsgruppa til partiet.http://www.hurriyetdailynews.com/default.aspx?pageid=438&n=kilicdaroglu-series-part-1-2010-07-09 Kılıçdaroğlu vart nominert av CHP til borgarmeisterkandidat i Istanbul i 2009. Han fekk 36,8% av røystene og tapte valet, likevel auka han oppslutninga til partiet markant frå det førre valet i 2004.
Kılıçdaroğlu vart valt til visetalsmann for den sosialistiske internasjonale den 31. august 2012.Turkish Radio and Television Corporation (TRT): KILIÇDAROĞLU ELECTED DEPUTY CHAIRMAN OF SOCIALIST INTERNATIONAL Publisert 31. august 2012.
Partileiar Deniz Baykal som var leiar for CHP i mange år fram til den 10. mai 2010, gjekk av på grunn av ein sex-videoskandale. Kılıçdaroğlu kunngjorde kandidaturen sin til posten den 17. mai, fem dagar innan partikongressen. For å verta offisiell kandidat måtte han ha minst 20% av røystene, han fekk underskrifter ifrå 1246 av dei 1250 delegatane, som var ein rekord for CHP. Den 22. mai 2010 vart han valt som leiar for det republikanske folkepartiet.
Valet i 2023 Ved det tyrkiske presidentvalet i 2023 var Kemal Kılıçdaroğlu den fremste opposisjonsleiaren og største utfordraren til den sitjande presidenten Recep Tayyip Erdoğan. Kılıçdaroğlu gjekk til val for å styrkja folkestyret.
Valet fann stad den 14. mai 2023, men ingen av presidentkandidatane greidde å sanka røyster over 50%, noko som førte til ein ny valrunde. Ved den andre valrunden 28. mai 2023 ende Kılıçdaroğlu opp med ein oppslutnad på 47,9%, og tapte fylgjeleg mot Erdoğan som fekk 52,1% av røystene. Folkerøystinga gjekk høvesvis rettferdig for seg, men i kjølvatnet av valkampen vart Kılıçdaroğlu tydeleg marginalisert av tyrkisk media til fordel for Erdoğan.
Kjelder
Denne artikkelen bygger på «Kemal Kılıçdaroğlu» frå , den 1. mai 2023.
Bakgrunnsstoff
Kategori:Tyrkiske politikarar