Grønvier (Salix phylicifolia) er ein busk i pilfamilien. Han blir nytta som hageplante, mellom anna til hekk.
Han er brukt som matplante av nordamerikanske urfolk. Dei kan eta nyplukka skot råe eller tørka dei og eta dei med selolje, i supper eller som te. Rein og moskusfe beiter også på grønvier.
Skildring
Grønvier kan bli mellom ein og fire meter høg. Han har stive blad med få tenner. Blada er blankt grøne på oversida, bleikt blågrøne på undersida.
mini|venstre|
Planten får grålodne raklar. Han blomstrar gjerne i mai og juni, avhengig av høgda over havet.
Variantar og hybridar Grønvier dannar lett hybridar med nærskylde planter.
Grønvier (Salix phylicifolia var. phylicifolia) - Europa, vestlege Sibir. Grønvier-svartvier (Salix mysrinifolia x phylicifolia) - svært vanleg på kulturmark, grøfter og kjerr. Bladet si midtnerve er hårete på den nedste delen. Grønvier-bleikvier (Salix herbacea x phylicifolia) - vanleg. Grønvier-musøyre (Salix hastata x phylicifolia) - vanleg.
Brekkavier (Salix phylicifolia 'Brekkavier') er ein variant av grønvier som finst på Island og i Noreg.
Utbreiing Grønvier veks på fuktige stader i Nord-Amerika og Europa. Han er vanleg i Nord-Noreg og i fjellet i Sør-Noreg.
Brekkavier er ein variant som kjem frå Island, der han først blei funnen på byrjinga av 1800-talet. Han toler salt svært godt, og er elles hardfør. Brekkavier var den første busken som etablerte seg på Surtsey. Det skjedde i 1998, 35 år etter at den vulkanske øya blei danna.
Kjelder
Lid, Johannes: Norsk og svensk flora, Samlaget, Oslo, 1974. NRK Hage ved nrk.no Saule ved passeportsante.net Om planteslekten Salix ved naaf.no Denne artikkelen bygger på «Grønnvier» frå , og «Salix phylicifolia» frå den 16. august 2010.
Bakgrunnsstoff
Kategori:Pilefamilien Kategori:Viltveksande plantar i Noreg Kategori:Hageplantar Kategori:Matplantar