Kim Tok-hun () er ein nordkoreansk politikar som var statsminister i Nord-Korea frå 13. august 2020 til 27. desember 2024.
Han er fullverdig medlem av presidiet i politbyrået i Det koreanske arbeidarpartiet og har også vore leiar for budsjettkomiteen til parlamentet. Han var også delegat for Nord-/Sør-Korea-koordineringsarbeidet før han 29. september 2019 blei utnemnd til visestatsminister av Den øvste folkeforsamlinga (parlamentsforsamlinga)
Kim Tok-hun har vore medlem av sentralkomiteen til Det koreanske arbeidarpartiet sidan den 7. partikongressen i mai 2016. Frå 11. april 2019 var han varamedlem til politbyrået, før han frå 31. desember 2019 blei fast medlem. I april 2020 blei han vald til leiar for budsjettkomiteen til folkeforsamlinga. Etter 2022 har han vore sett på som nest høgast på rangstigen etter Kim Jong-un.
I august 2023 kom Kim Jong-un med skarp kritikk av statsminister Kim Tok-hun og regjeringa for deira handtering av flaumkatastrofen i Ansok. Kritikken blei offentleggjord i ein artikkel i Korean Central News Agency. Kim Jong-un meinte at redningsarbeidet og arbeidet med gjenoppbygging var dårlig organisert og gjekk for seint.
Kjelder
Denne artikkelen bygger på «Kim Tok-hun» frå , den 24. oktober 2023.
Kategori:Nordkoreanske politikarar Kategori:Nordkoreanske statsministrar