Heðin Magni Kristin Súni Klein (fødd 28. februar 1950 i Tórshavn) er ein færøysk lyrikar, lærar, omsetjar, og tidlegare politikar for Tjóðveldisflokkurin.
Liv og virke Klein voks opp i ein fiskarfamilie attmed Gjógv. Han var sonen til Leivur Klein og Hanna Kristiansen. Farfaren hans var Daniel Klein, som ogso var fiskar og formann i Føroya Fiskimannafelag. Klein gjekk på realskulen og so på lærarskulen i Tórshavn og arbeidde som lærar på Sandur i perioden 1972–1983 og ved Eysturskúlin i Tórshavn i perioden 1983–1998. Han var dagleg leiar med skulebokforlaget Føroya Skúlabókagrunnur 1998–2004. I 2004 gjekk han attende til lærarstilling ved Eysturskúlin.
Klein vart etterkvart vald inn på Lagtinget på vegnar av Sandoy med lagtingsvalet i 1974, som berre 24 år gamal. Hans Marius Joensen møtte opp på Lagtinget på vegnar av Klein, då han vart medlem av Atli Dam si tredje regjering. Då fekk han ansvaret for fiskeri- og kommunalpolitikken etter valet i 1978. Klein trekte seg deretter ut etter valet i 1980. Han var ogso medlem av kommunestyret på Sandur i perioden 1974–1979.
Heðin M. Klein har gjeve ut ei rekkje diktsamlingar, både eigne verk og gjendiktingar frå andre språk (blant anna av Olav H. Hauge). Verka åt Klein har vorte omsette til ei rekkje språk, blant anna norsk. Han var formann for Rithøvundafelag Føroya i perioden 1994–1997 og 2006–2007, og var representant for forfattarlaget i Føroyska málnevndin. M.A. Jacobsens Heiðursløn fekk han tildelt for skjønnlitteratur i 1985 og 2016.
Bibliografi
1969 – Væmingar og vaggandi gjálv 1972 – Flytifuglur: savn við útlendskum yrkingum, med Steinbjørn B. Jacobsen 1983 – Strandvarp 1983 – Sjón og seiggj eftir Erlend Patursson, med Steinbjørn B. Jacobsen 1985 – Ljóðsins ljós 1987 – Frostrósan og aðrar søgur, med Kirsten Brix og Bergljót S. Joensen 1990 – Ein vakran summardag, omsetjing 1992 – Fjørið mítt, ævintýrheimur, med Bjørg Matras 1992 – Okkurt óreint í kálinum, omsetjing 1992 – Faðir mín, Sólin, med Rói Patursson, omsetjing 1993 – Tá ið dýrini bardust, omsetjing 1994 – Veggjagrøs 2004 – Móti tøgnini 2005 – Nú ríður tú heim, omsetjing av dikt etter Olav H. Hauge, Bókadeildin 2012 – Vatnskorpur fyri tøgnina. Egne dikt og oversettelser etter Paul Celan. 2014 – Afturljóð - úrvaldar yrkingar 1969 til 2014, Mentunargrunnur Studentafelagsins. 2014 – Tala tú eisini. Dikt etter Paul Celan.
Kjelder
Denne artikkelen bygger på «Heðin M. Klein» frå , den 4. mars 2024.
Kategori:Færøyske pedagogar Kategori:Færøyske forfattarar Kategori:Færøyske ministrar Kategori:Fødde den 28. februar