Patricia Janečková ()https://news.italy24.press/news/922680.html var ein tsjekkisk songar (sopran) og barnestjerne av slovakisk familiebakgrunn.
Liv og familie Patricia Janečková blei fødd i Münchberg ved Hof i Bayern av slovakiske foreldre. Ho vaks opp i Ostrava i Tsjekkia dit familien flytta mens ho var eit lite barn.
Janečková gifta seg i juni 2023 med skodespelaren Vlastimil Burda. Ho døydde den 1. oktober 2023 av brystkreft etter å ha fått diagnosen i februar 2022. Ho fortalde opent om diagnosen i offentlegheita. Ho let seg avbilde hårlaus og med operasjonssåret i brystet synleg.
Karriere Barneframsyningar Janečková byrja å syngje som barn; etter audition fekk ho som tiåring opptre med Janáček symfoniorkester. Ho byrja å studere song ved eit konservatorium i Ostrava då ho var i tenåra.
I november 2010 vann Janečková den tsjekkisk-slovakiske tv-talenttevlinga Talentmania. I finalen fekk ho ein million røyster, og blei internasjonalt kjend gjennom CNN kort tid etter.
Janečková gav ut sitt debutalbum i 2011, då ho var 13 år gammal. I 2014 vann ho den internasjonale tevlinga Concorso Internazionale Musica Sacra i Italia. I 2016 blei ho tildelt tre prisar ved Antonin Dvorak-tevlinga i Karlovy Vary.
mini|venstre|upright=0.7|Rossini: Petite messe solennelle, Crucifixus (video)
Større roller I november 2017 hadde Janečková sin fyrste betydelege rolle som Galatea i Acis and Galatea av Georg Friedrich Händel. Ved Det mährisk-slesiske nasjonalteater (Národní divadlo moravskoslezské) i Ostrava song og spelte ho rolla som Julie i en tsjekkisk musikalversjon av Romeo og Julie (2017); Esmeralda i Den kjøpte brud av Bedřich Smetana (2018); Pamela og Natasha i musikalen Flowers for Mrs Harris (2020) og Maria i West Side Story (2021).
Under sin sjukdom hadde Janečková eit samarbeid med den tsjekkiske oboisten Vilém Veverka om eit julealbum i 2022.
Diskografi Patricia Janečková (Bellevoice Produktion, 2011) Christmas Album – med Vilém Veverka (Supraphon, 2022)
Kjelder
Denne artikkelen bygger på «Patricia Janečková» frå , den 9. mars 2024.
Kategori:Tsjekkiske songarar Kategori:Slovakiske songarar Kategori:Folk frå Ostrava