Inga Lærum Liebich (), også kjend som Inga Lærum Liebig, var ein norsk komponist, dirigent, korleiar og musikklærar. I 1917 var ho med å skipa Norsk Komponistforening.
Biografi Inga Lærum var dotter av kjøpmannen Johan Lærum (1830–1906) og tyske Antonie Hansen (1839–1920). Ho lærte å spele piano av , og studerte komposisjon med Christian Sinding. Seinare studerte ho piano og musikkteori hos Otto Winter-Hjelm. Ho studerte i Roma, London og Milano. I London møtte ho den USA-amerikanske pianisten og musikkpedagogen Rudolf Liebich, som ho seinare blei gift med. Ho debuterte som komponist ved ein musikkfest i Kristiania i 1887 der ein av komposisjonane hennar blei framført av Christiania Theater sitt orkester. Ho framførte sine eigne komposisjonar i konsert fyrste gongen den 11. oktober 1892.
Med attestar frå Grieg og Svendsen søkte Lærum Schäffers legat for vidare utdanning innan instrumentasjon og komposisjon, men blei ikke tildelt dette. Ho gifta seg med Rudolf Liebich (også skrive Liebig) og forlet så Noreg. Ho budde i Burlington i USA, der ho var korleiar og dirigent ved den katolske kyrkja i nesten fem år. Seinare flytta ho til Berlin, der verka hennar blei framførte i konsert. Ho flytta tilbake til Christiania før 1917, då ho var med å skipa Norsk Komponistforening. Tilbake i Noreg var ho korinstruktør ved .
Verka til Lærum Liebich omfattar i hovudsak songar, pianomusikk og kormusikk. Ho gav ut 21 songar, 15 klaverstykke og ein romanse for fiolin og klaver.
Lærum Liebich døydde 15. september 1936 og er gravlagd på Vestre gravlund.
Kjelder
Denne artikkelen bygger på «Inga Lærum Liebich» frå , den 30. mars 2024.
Kategori:Norske komponistar Kategori:Kvinnelege komponistar Kategori:Gravlagde på Vestre gravlund