Erik Staffan Olsson ( er ein svensk handballtrenar og -spelar frå Uppsala. Omframt to VM-gull og fire EM-gull, sanka Olsson tre OL-sølv, to VM-sølv og like mange VM-bronsar. Han var vanlegvis høgre rykkromspelar.
Karriere Klubbspel Olsson spelte mange sesongar på Stockholms-laget Cliff. 1989-91 var han aktiv i tyske Hüttenberg, vende så tilbake til Cliff. Få 1992 til 2003 gjorde han teneste for tyske lag, fyrst Niederwürzbach og frå 1996 for topplaget THW Kiel. Med Niederwûzbach kom han to gongar på sølvplass i bundesligaen, medan han som Kiel-spelar vann bundesligaen i fire av sju sesongar. Dei tre siste åra før han la opp i 2006, spelte han på Hammarby sitt lag i heimlandet. Med unnatak for ei kort tid i spanske Ademar León i 2004.
Landslagsspel Hausten 1986 debuterte Olsson i landskamp mot Noreg i Trondheim. Fram til 2004 deltok Olsson i 358 av Sverige sine landskampar og skåra 855 mål. Åra frå 1990 var han med å vinne gull i VM 1990, sølv i sommar-OL 1992, gull i EM 1990, bronse i VM 1993 og VM 1995, sølv i sommar-OL 1996, bronse i VM 1997, gull i EM 1998, VM 1999 og EM 2000, sølv i sommar-OL 2000 og EM 2002. Han vert særleg hugsa for si utlikning mot Tyskland i sluttsekunda under EM-finalen 2002 i Globen i Stockholm. Målet sikra Sverige ekstraomgangar i kampen, og deretter siger.
Trenar Olsson har vore sjefstrenar i Hammarby, og svensk landslagssjef 2008-16 i spann med Ola Lindgren. Sidan 2022 er han landslagsjef for Nederland.
Merittar VM 1990: Gullmedalje, 27-23 mot Sovjetunionen sommar-OL 1992: Sølvmedalje, 20-22 mot «Sovjetunionen» VM 1993: Bronsemedalje, 26-19 over Sveits EM 1994: Gullmedalje, 34-21 over Russland VM 1995: Bronsemedalje, 26-20 mot Tyskland sommar-OL 1996: Sølvmedalje, 26-27 mot Kroatia VM 1997: Sølvmedalje, 21-23 mot Russland EM 1998: Gullmedalje, 25-23 mot Spania VM 1999: Gullmedalje, 25-24 mot Russland sommar-OL 2000: Sølvmedalje, 26-28 mot Russland EM 2000: Gullmedalje, 32-31 mot Russland VM 2001: Sølvmedalje, 25-28 mot Frankrike EM 2002: Gullmedalje, 33-31 mot Tyskland Vinnar av EHF-cupvinnarcupen: 1998 og 2002 med THW Kiel Finaletap i EHF-meisterligaen: 2000 med THW Kiel Tysk ligameister: 1998, 1999, 2000 og 2002 med THW Kiel Tysk pokalvinnar: 1998, 1999 og 2000 med THW Kiel
Kjelder
Denne artikkelen bygger på «Staffan Olsson» frå , den 20. april 2024.
Kategori:Svenske handballspelarar Kategori:Verdsmeistrar i handball Kategori:Europameistrar i handball Kategori:Olympiske medaljevinnarar i handball Kategori:Olympiske sølvmedaljevinnarar for Sverige Kategori:Svenske deltakarar under sommar-OL 1988 Kategori:Handballspelarar under sommar-OL 1988 Kategori:Medaljevinnarar under sommar-OL 1992 Kategori:Svenske deltakarar under sommar-OL 1992 Kategori:Handballspelarar under sommar-OL 1992 Kategori:Medaljevinnarar under sommar-OL 1996 Kategori:Svenske deltakarar under sommar-OL 1996 Kategori:Handballspelarar under sommar-OL 1996 Kategori:Medaljevinnarar under sommar-OL 2000 Kategori:Svenske deltakarar under sommar-OL 2000 Kategori:Handballspelarar under sommar-OL 2000 Kategori:Folk frå Uppsala