Georg August Wallin (på arabisk Abd al-Wali; ) var ein finsk språkvitar og forskingsreisande.
Wallin var fødd i Sund på Åland. Han studerte orientalske språk, først i Helsingfors og sidan i St. Petersburg 1841–1842. Han fekk eit stipend for ei studiereise til Egypt 1843–1845, der han lærte seg arabisk. Wallin opptredde som muslimsk, russisk undersått frå Sentral-Asia for å kunna røra seg friare. Det er uklart om Wallin berre opptredde som muslim eller om han etter kvart òg omvende seg til islam. Frå Egypt gjorde han 1845–1849 tre reiser til Den arabiske halvøya, mellom anna Mekka, Palestina, Syria og Iran, der han gjorde geologiske og lingvistiske oppdagingar. I 1849 var han i London og presenterte Notes Taken During a Journey through Part of Northern Arabia in 1848 for Royal Geographical Society. Attende i Helsingfors vart Wallin professor i orientalske språk i 1851, men gjekk bort året etter uten å ha kunna publisera mykje av materialet sitt.
G. A. Wallins brev har vorte publisert av S. G. Elmgren, Knut Tallqvist, Jussi Aro og Armas Salonen. Skriftene hans i samling vart utgitt 2010–2017 av SLS og Bokforlaget Atlantis.
Georg August Wallin ligg gravlagd i Gamla området på Sandudds begravningsplats i Helsingfors.
Bibliografi
Carmen Elegiacum Ibnu-L-Faridi com commentario Abdu-L-Ghanyi, 1850 Notes Taken During a Journey Though Part of Northern Arabia in 1848. The Journal of the Royal Geographical Society of London 20/1851.
Narrative of a Jurneys From Cairo to Medina and Mecca by Suez, Arabia, Tawila, Al-Jauf, Jubbe, Hail and Nejd, in 1845. The Journal of the Royal Geographical Society of London 24/1854. Narrative of a Journey from Cairo to Jerusalem, via Mount Sinai. The Journal of the Royal Geographical Society of London 25/1855.
Bemerkungen über die Sprache der Beduinen, auf Veranlassung des Aufsatzes von E. W. Lane. Über die Aussprache der arabischen Vokale u.s.w. Zeitschrift der Deutschen morgenländischen Gesellschaft 12/1858.
Georg August Wallin; Knut Tallqvist (1905), Bref och dagboksanteckningar / af Georg August Wallin. Jämte En lefnadsteckning utgifna af Knut Tallqvist, Skrifter utgivna av Svenska litteratursällskapet i Finland, Helsingfors, Wikidata Q113394132, ISSN 0039-6842, https://urn.fi/urn:NBN:fi-fd2019-00022293
Skrift
Kjelder
Denne artikkelen bygger på «Georg August Wallin» frå , den 14. mai 2024.
Litteratur
Edgren-Henrichson, Nina (red.): Dolce far niente i Arabien: Georg August Wallin och hans resor på 1840-talet. Skrifter utgivna av Svenska litteratursällskapet i Finland, 788. Helsingfors: Svenska litteratursällskapet i Finland, 2014. .
Bakgrunnsstoff
Georg August Wallin. 375 humanister 7.3.2015. Helsingfors universitet https://tidenstecken.wordpress.com/2017/08/13/georg-august-wallin (Torsten Kälvemark)
Kategori:Finske språkforskarar Kategori:Finske professorar