Verma stasjon er ein jernbanestasjon utan passasjertrafikk på Raumabana i bygda Verma i Rauma kommune i Møre og Romsdal. Verma ligg om lag 35 kilometer aust for Åndalsnes.
Trafikale høve Stasjonen opna i 1923 og var endestasjon i eitt år inntil Raumabana opna til Åndalsnes. Verma vart ubemanna i 1970, men stasjonen vert framleis bemanna viss det er behov for ekstra kryssingar. Stasjonen mista passasjertrafikken på 1990-talet.
Kryssingssporet på Verma er 315 meter langt. Det fans spor til lokstallen og gjennomgåande rampespor til godsrampa. Rampesporet er forkorta og ikkje lenger gjennomgåande, men framleis i bruk i 2024.
Betening Verma hadde ikkje stasjonsmeistere, men bestyrarar av ein litt lågare grad.
Halvdan Odmund Lie, f. 1886, bestyrar frå 19.11.1923 - 28.11.1924 Peder Jørgensen, f. 1879, frå 19.11.1924. Engebret Skjæret, f. 1874, frå 29.6.1929 Einar Holland, f. 1897, bestyrar frå 24.4.1933 Rolf Eliassen, f. 1898, bestyrar frå 30.12.1940 Bjarne I. Andersen, f. 1901, bestyrar frå 4.8.1949 Kristian A. Gulbrandsen, f. 1904, bestyrar frå 22.9.1951 Gunnar E. Ødegård, f. 1916, bestyrar frå 25.1.1956 Odd Erling Skjølsvoll, f. 1923, bestyrar frå 6.11.1961 Hans E. Kolstad, f. 1922, bestyrar frå 14.10.1963-29.5.1970
Stasjonsbygninga Stasjonsbygninga var teikna av Jernbanens arkitektkontor ved Gudmund Hoel og Bjarne Friis Baastad, og var av "Type for Raumabanen", den same bygningstypen som til dømes Bottheim, Lora og Lesjaskog. Byggekostnadane for stasjonsbygninga var kroner og heile stasjonsanlegget kosta kroner.
Bygninga er reist i lafta tømmer og kledd med liggjande trepanel. Gavlane har ståande vekselpanel. Døra til venterommet og gavlvindauga er ramma inn med ormantikk i nyrokokko. Bygninga har skifertekt saltak. Ekspedisjonsrommet er bygd ut mot plattforma med plass for innvendig stillverk. Fyrste etasje hadde venterom, ekspedisjonslokalar og telegrafistrom. Andre etasje hadde ein tenestebustad med inngang frå baksida og overnattingsrom for beteninga. I kjellaren var det rom for matlagring, kledevask og brensellager. Godshuset var i ei einetasjes sidefløy. Bygninga fekk vannklosett rundt 1960, og privétbygninga vart riven. I 1976 vart ein del av venterommet bygd om til kvilerom og garderobe for baneavdelinga.
Annan infrastruktur På Verma var det òg ein provisorisk lokomotivstall (riven), svingskive, vedbu, privétbygning (riven), kvilerom og dresinbu (rivne i etappar frå 1990-talet til om lag 2010), samt Ormheim vaktarbustad. Ormheim var ei anleggsbrakke som vart flytta til staden, og hadde tidlegare vore ingeniørbolig og landhandel.
Kulturminnet Verma stasjon er i umiddelbar nærleik til landemerket Kylling bru.
I følge NSB si bygningsregistrering fra 1981 var stasjonsbygninga "i god stand" og med middels verneverdi.
Den landsomfattande "Verneplan for jernbanebygninger" (1993) foreslo å verna Lesjaverk stasjon, men etter at NSB nekta vart Verma stasjon foreslege av Fylkeskonservatoren i Møre og Romsdal, noko som styringsgruppa tok inn i planen. Vernet vart vedteke av Riksantikvaren i 1997. Årsaka var at stasjonstypen representerar fleire stasjonar som er lokalt tilpassa Raumabana, nærleiken til Kylling bru og minnesteinane fra opninga utanfor stasjonsbygninga.
Strekningsvern Bjorli - Åndalsnes Verma stasjon ligg på ei verna strekning. Den 58 kilometer lange strekninga frå Bjorli til Åndalsnes vart foreslegen verna i Nasjonal verneplan for kulturminner i jernbanen (2004) på grunn av banas spektakulære plassering og velbevarte opprinnelege preg. Verneklassa var kategori C, dvs. bane med aktiv drift der moderne togdrift skal ta omsyn til kulturminnet.
Kjelder
Fotnotar
Bibliografi
Denne artikkelen bygger på «Verma stasjon» frå , den 16. mai 2024.
Bakgrunnsstoff Verma stasjon med Kylling bru i bakgrunnen, foto ved Edvard Sæterbø, 1924, Norsk Jernbanemuseum. Bane NOR Network Statement 2024. Informasjon om stasjonen.
Kategori:Jarnbanestasjonar på Raumabanen Kategori:Jarnbanestasjonar i Noreg utan persontrafikk Kategori:Jernbanestasjonar i Møre og Romsdal Kategori:Jarnbanestasjonar opna i 1923 Kategori:1923 i Noreg Kategori:Gudmund Hoel Kategori:Bjarne Friis Baastad Kategori:Jarnbanebyggverk i Rauma