Linda Bell Viera Caballero (), kjend som La India, er ein puertoricansk songar og låtskrivar innan salsa, house og latinopop. La India har vore nominert til både Grammy- og Latin Grammy-prisar, og vann Latin Grammy-prisen for Best Salsa Album i 2016 for albumet Intensamente La India Con Canciones De Juan Gabriel.
Bakgrunn Viera blei fødd i Río Piedras i San Juan. Foreldra hennar flytta til New York by kort tid etter at ho var fødd, og slo seg ned sør i Bronx. Dei budde fyrst hjå bestemora til Viera, ei kvinne som fekk viktig innverknad på livet til Viera. Viera byrja å synge som ung, og fekk til og med operaopplæring ei kort tid. Namnet hennes, «La India» eller ‘indianarjenta’, blei gjeve til henne av bestemora fordi ho hadde mørk hudfarge og langt, rett, svart hår. La India har omtalt seg sjølv som feminist, etter å ha vore vitne til vald i heimen frå far sin.
Karriere
1985: Tidleg karriere I 1985, då Caballero var 16 år gamal, blei ho med i latin freestyle-gruppa TKA. Ho er godskriven som «Linda» og er med på gruppfotoet på baksida av den andre singelen til TKA, «Come Get My Love». Ho gjekk ut av gruppa etter kort tid.
Caballero skreiv platekontrakt med Reprise/Warner Bros. Records, som planla å marknadsføra henne som den latinske versjonen av Madonna (som hadde kontrakt med systermerket Sire Records). Debutalbumet til India heitte Breaking Night. Det kom ut tre singlar frå albumet («Dancing on the Fire», «Right from the Start» og «The Lover Who Rocks You All Night»), som alle blei store hittar i danseklubbar. Ho song også vokal på den Jellybean-produserte singelen «Mirage». Etter å ha spelt inn albumet sitt, bestemte Caballero seg for at ho ikkje ville halda fram på denne vegen i karrieren sin. Ho bestemte seg for å gå over til salsa fordi ho trudde at ho trengte å «kryssa over for å finna sine folk».
1992-1994: Fyrste salsa-album Ei viktig hending i karrieren hennar fann stad då ho var med mannen sin, «Little» Louie Vega til ein studio-sesjon. Salsa-bandleideren Eddie Palmieri kom til studioet og blei imponert over Caballero då han høyrde henne synge. I 1992 produserte Palmieri det fyrste salsaalbumet til Caballero, Llego La India via Eddie Palmieri, som blei hylla som eit av dei beste salsaalbuma det året. Frå denne tida blei Caballero kjend som La India. India fekk ein Lo Nuestro-prisnominasjon i 1993 for for beste kvinnelege utøvar, Tropical/Salsa.
I 1994 spelte La India og Louie Vega inn singelen «Love and Happiness» (Yemaya y Ochún), som gav merksemd til santería (ein synkretisk religion basert i Karibia). Dette oppbeat-tracket blei mykje spelt i danseklubbar internasjonalt. La India si innblanding i santería fekk også ein god del kritikk. Sergio George produserte La India sitt album Dicen Que Soy frå 1994, ein Billboard-hit som selde to gonger til gull og som auka stjerna hennar i den latinamerikanske musikkverda. Albumet inneheldt òg ein coverversjon av den cubanske Adalberto Alvarez Y Su Son sin hitsong «Vivir Lo Nuestro», med ein duett med Marc Anthony. Seinare same år blei Combinación Perfecta gjeven ut.
1996-i dag: La India, prinsessa av salsa I 1996 samarbeidde La India med Tito Puente på Jazzin, eit engelskspråkleg album av swingklassikarar med ein latinsk vri som kom ut på RMM Records. Same året bidrog ho med songen «Banderas» på albumet med Voces Unidas, ei hylling til Dei olympiske sommarleikane 1996. Ho gav òg ut India: Mega Mix same året, før ho skilde seg frå Vega. La India song ein duett med tittelen «La Voz de la Experiencia» med Celia Cruz, kjend som dronninga av salsa. Det var då Cruz gav Caballero tittelen «La India, prinsessa av Salsa». I 1997 spela La India inn «Sobre el Fuego» med den puertorikanske salsasongaren Kevin Ceballo som bakgrunnssongar. Songen blei nominert til Best Latin Tropical Performance ved Grammyprisen. I 1998 vann ho ein ACE-pris.
31. mai 1998 heldt La India to utselte konsertar i Luis A. Ferre Performing Arts Center i San Juan på Puerto Rico. Etter at ho drog tilbake til USA sendt TV-nettverket UPN ei av framsyningane hennar. Etter opplæring frå den berømte koreografen frå New York Sara D'Arce heldt India òg konserter i Madison Square Garden i New York og på El Festival de la Calle Ocho i Miami. I september 1999 gav La India ut albumet Sola, som fekk positiv omtale for singelen «Sola» og for coverversjonar av to hitar av den avdøde cubanske stjerna La Lupe, «Que Te Pedi» og «Si Vuelves Tu».
5. februar 2000 blei La India gratulert for sin andre grammynominasjon med ein fullsides annonse i Billboard Magazine. I mars 2000 var ho med i Vibe Magazine. 26. november 2003 gav La India ut Latin Songbird: Mi Alma y Corazón. Hovudsingelen frå albumet «Sedúceme» blei ein hit på dei latinske listene, og toppa Billboard Hot Latin Tracks i fleire veker. Denne romantiske salsa-songen var den fyrste topplasseringa til La India. Latin Songbird gav henne ein ny fanbase med mange prisar og nominasjonar, inkludert to Latin Grammy-nominasjonar for Best Salsa Album og Best Tropical Song i 2003, og den tredje Grammy-nominasjonen hennar for Best Salsa Album i 2004.
I 2005 var La India med i den musikalske framsyninga Selena ¡VIVE!, ei hylling til den avdøde tejano-stjerna Selena Quintanilla-Perez. I 2006 gav La India ut albumet Soy Diferente, som inneheldt to songar som blei prisvinnande hittar. I 2007 vann La India beste tropiske album av året for Soy Diferente ved Latin Billboard Awards og Latin Dance Club Play Track of the Year for «Solamente Una Noche». I 2007 samarbeidde ho med Gloria Estefan om ein duett med tittelen «90 Millas».
mini|La India filma under ein konsert på Ellis Island i 2007. 11. juni 2006 blei La India æra av Union City i New Jersey med ei stjerne på Walk of Fame i Celia Cruz-parken i byen.Rosero, Jessica. "Viva la comunidad Cubano North Hudson celebrates at the annual Cuban Day Parade" Hudson Reporter 18. juni 2006
23. februar 2010 gav La India ut singelen «Estupida» på iTunes. Singelen var ein coverversjon av den italienske songen «Stupida» av Alessandra Amoroso frå 2009. Det niande studioalbumet hennar, Unica, kom ut 1. juni 2010.
I 2011 heldt La India fram med å gje ut ny musikk. Ho spelte inn ein duett m ed Issac Delgado og gav ut house-låten «Tacalacateo», der ho samarbeidde med den italienske DJ-en Peppe Citarella. «Tacalacateo» nådde 13. plass på Billboard si dance-liste.
I 2012 opptredde La India på UNITY: The Latin Tribute to Michael Jackson, i lag med artistar som Tito Nieves og Kevin Ceballo.
I 2014 skreiv La India ny kontrakt med plateselskapet Top Stop Music, og blei også med i Salsa Giants-prosjektet med Sergio George. Ho gav ut det tiande salsaalbumet sitt, Intensamente Con Canciones de Juan Gabriel, på Top Stop Music i 2015. Det inneheld duettar og solospor av begge artistame. Albumet nådde fyrsteplassen på Billboard si tropiske liste fire veker på rad. Særleg ein av songane, «Ahora Que Te Vas», steig raskt til fyrsteplassen på Billboard si tropiske liste. Med denne songen blei La India den kvinnelge latinske artisten med flest nummer ein-songar, ein rekord Gloria Estefan tidlegare hadde hatt. I 2016 vann La India den fyrste Latin-Grammy-prisen sin for «Best Salsa Album» for albumet sitt med Juan Gabriel.
I 2020 fekk musikkvideoen til «Mi propiedad privada» ein million visingar i under ei veke etter at han blei sloppen. Samarbeidet «Víctimas las dos» med Víctor Manuelle fekk to millionar visingar på YouTube under to veker etter at han blei sloppen i 2021. Denne songen nådde fyrsteplassen på Billboard, og selte til gull. Dette året turnerte La India i Latin-Amerika og USA med turneen Mi trayectoria.
I 2023 rangerte Rolling Stone La India som nummer 113 på lista si over dei 200 største songarane til alle tider.
Diskografi
Studioalbum ÅrTittelTopplasseringarSalstrofeUSUS TropicalUS LatinHeatseekers1990Breaking Night Merke: Reprise Format: LP • CD • kassett————1992Llego La India, Via Eddie Palmieri Merke: Soho Sounds Format: LP • CD • cassette—5——1994Dicen Que Soy Merke: RMM Format: LP • CD • kassett—14—1997Sobre el Fuego Merke: RMM Format: CD • kassett—14331999Sola Merke: RMM Format: CD • kassett—47202002Latin Songbird: Mi Alma y Corazón Merke: Sony Discos Format: CD—1719 RIAA: Platina (Latin) 2006Soy Diferente Merke: Univision Music Group Format: CD—1119 RIAA: Gull (Latin) 2010Unica Merke: Top Stop Music Format: CD18014—2015Intensamente Con Canciones de Juan Gabriel Merke: Top Stop Music Format: CD—13—"—" tyder at album ikkje kom inn på lista eller ikkje kom ut i denne regionen.
Kjelder
Denne artikkelen bygger på «La India» frå , den 13. september 2024.
Bakgrunnsstoff
Kategori:Latin Grammy-vinnarar Kategori:Puertoricanske musikarar Kategori:Folk frå San Juan på Puerto Rico Kategori:Salsamusikarar