Jøa er ei øy i Namsos kommune i Trøndelag. Jøa har ei flatevidd på 55,3 km², og det høgste punktet er Moldvikfjellet på 297 moh.Modvikfjellet; peakbook.org
Fjorden Folda går langs nordsida av øya, medan Gyltefjorden ligg på austsida. På andre sida av Raudsunda i sør ligg Otterøya.
Midt på øya ligg bygda Dun med kommunehus og med Olav Duun sin barndomsheim, Øver-Dun. Her blir det halde Duun-stevne annakvart år, og forfattarskapen hans blir halden levande.
Øya har samband til fastlandet med ferjesambandet Seierstad–Ølhammeren og fylkesveg 777. På øya går fylkesveg 7080 frå ferjeleiet Seierstad til Fosnes nord på øya, og fylkesveg 7078 til Holviksjøen lengst sør. Vest på øya går fylkesveg 7082 i ei stor sløyfe frå Faksdal, via Hov til Dun.
Kjende jøbyggar Olav Duun, forfattar Roar Hoff, kulestøytar Kolbjørn Gåsvær, kulturarbeidar
Kjelder
Delar av denne artikkelen bygger på «Jøa i Namsos» frå , den 23. november 2025.
Kategori:Geografi i Namsos Kategori:Øyar i Trøndelag Kategori:Fosnes