mini|Soveboksar i Akihabara i Tokyo. høgre|mini|EnergyPod er ein liten halvopen liggjestol, her på Olin Memorial Library ved Wesleyan University i Middletown, Connecticut Soveboks er ein enkel konstruksjon laga for å la folk sova skjerma. Det er typisk ei seng med madrass og vegger og tak, og med ei opning der ein kan trekkja for gardin eller stenga ei dør for for å gje privatliv.
I tillegg til overnatting kan soveboksar brukast til ein kort lur. Forsking har tyda på at ein 20-minutts lur kan redusera teikn på trøyttleik, auka energinivået, forbetra fokus, auka produktiviteten, forbetra humøret, forbetra læring, redusera stress og redusera risikoen for hjarte- og karsjukdommar.
Historie Soveboksar har likskapar med skapsenger, som mellom anna blei nytta i Noreg på 1600-talet.
I 1979 utvikla den japanske arkitekten Kisho Kurokawa det moderne sovebokkonseptet med Capsule Inn i Osaka.
Soveboksar er blitt tekne i bruk på arbeidsplassar som sjukehus for at tilsette skal få vera utkvilte, i barnehagar for Å gjera legging av småbarn lettare for tilsette, og har i nokre tilfelle vore integrerte med bibliotek. På flyplassar blir soveboksar brukte som arealeffektive kvilestader for mellomlandingar og venting mellom flyreiser. I Noreg har mellombelse soveboksar vore brukt på sommarstid som ei naturnær overnatting for turistar.
Utforming høgre|mini|Ei kvinne som har ein lur i ein soveboks på kafeen Nappuccino i Barcelona
Storleik Storleiken på ein soveboks kan variera. Dei er ofte utforma for å vera arealeffektive, men må også vera store nok til at brukarane kan sova komfortabelt og røra på seg medan dei søv.
På Nine Hours Narita i Japan er dei innvendige måla på kvar boks 220 cm lang, 110 cm brei og 1,1 m høg, og er rekna for éin person. Det er vanleg at reiseguidar åtvarar om at boksane kan opplevast som klaustrofobiske.
Innhald og funksjonar Boksane har gjerne madrass i botnen, og tilhøyrande plass (til dømes skap eller hylle) til å ha bagasje og tøy i. På nokre boksar kan brukarane styra lys, lyd, temperatur og ventilasjon, medan andre berre har styring av belysning. Det er vanleg med stikkontakt til lading av mobil, PC og anna personleg utstyr.
Nokre kapslar kan låsast innanfrå for privatliv og tryggleik. Det bør likevel vera ein alternativ mekanisme for å kunna opna kapselen for brannsikring, rømming og andre nødstilfelle
Tilknytte fasilitetar Soveboksar nytta til overnatting har ofte tilknytt garderobe med dusj og toalett for personleg hygiene. Nokre av di tilbyr også WiFi. Nokre boksar har fasilitetar som kjøkkenbenk for enkel matlaging.
Populærkultur Soveboksar er ein utbreidd teknologi i science fiction, ofte brukt saman med futuristisk søvnteknologi. Kryosøvnbokser som legg romfararane i dvale under langvarig romfart blir vist i filmane Alien, Avatar, 2001: En romodyssé, Passengers og Event Horizon. I filmen Alien (1979) blir besetningsmedlemmene haldne i medvitslaus tilstand fram til dei blir «aktiverte», av-aldra og klargjorde til å delta i arbeidsstyrken.
Sjå òg
Køyeseng Siesta Skapseng
Kjelder
Denne artikkelen bygger på «Soveboks» frå , den 17. januar 2025.
Kategori:Liggemøblar Kategori:Soveutstyr