Rio Negro er ei omtrent 635 km lang, sterkt meandrerande elv i det midtre Argentina. Saman med kjeldeelva Limay når Rio Negro ei total lengd på ca. 1252 km.
Rio Negro oppstår ved samløpet av Limay og elva Neuquén ved byen Neuquén. Derfrå renn ho søraustover tvers gjennom den nordlege delen av Patagonia, og får ingen fleire store sideelvar før ho munnar ut. Ovanfor Choele Choel deler elva seg i to armar og dannar fleire store øyar, før ho nedanfor Choele Choel igjen samlar seg til eitt elveløp. Deretter renn ho vidare i søraustleg retning og munnar ut i Atlanterhavet omtrent 30 km nedanfor byen Viedma.
Kjelder
Denne artikkelen er ei omsetting av «Río Negro (Atlantischer Ozean)» frå , den 25. januar 2025
Bakgrunnsstoff
Kategori:Elvar i Argentina